ଭୁବନେଶ୍ବର: ଆୟ ଠାରୁ ୧୦୦୦ ପ୍ରତିଶତ ଅଧିକ ଠୁଳ କରିଥିଲେ ପ୍ରତାପ ସାମଲ। ଏନେଇ ଓଡିଶା ପୋଲିସ ହାଉସିଂ ଓ୍ବେଲଫେୟାର କର୍ପୋରେସନ ଡେପୁଟି ମାନେଜର ଗିରଫ। ସର୍ଚ୍ଚ ବେଳେ 14 କୋଟି 87 ଲକ୍ଷ 41 ହଜାର 194 ଟଙ୍କା ଠାବ କରିଛି ଭିଜିଲାନ୍ସ । ଯେଉଁଥିରେ ରହିଛି ୨୫ଟି ପ୍ଲଟ । ଯାହାର ଦାମ ୩ କୋଟି ୪୧ ଲକ୍ଷ ୫୮ ହଜାର ୪୧୨ ଟଙ୍କା ରହିଛି । ଗୋଠପାଟଣାରେ ଏକ ୫ ମହଲା ବିଲଡିଂ ରହିଛି । ଯାହାର ଦାମ ୩ କୋଟି ୮୯ ଲକ୍ଷ ହେବ । ସେହିପରି ନୟାପଲୀ ସମେତ ଭଦ୍ରକରେ ମଧ୍ୟ ଠାବ ହୋଇଛି ବିଲଡିଂ । ଏକ କୋଟି ୬୧ ଲକ୍ଷ ୩୫ହଜାର ବ୍ୟାଙ୍କ ଡିପୋଜିଟ ସହ ୫୭ ଲକ୍ଷର ଇନସୁରାନ୍ସ ଡିପୋଜିଟ ଠାବ କରିଛି ଭିଜିଲାନ୍ସ ।
ଏନେଇ ଭିଜିଲାନ୍ସ ପ୍ରତାପ ସାମଲଙ୍କୁ ଗିରଫ କରିବା ସହ ତାଙ୍କୁ ଆଜି କୋର୍ଟ ଚାଲାଣ କରିଛି। ମଙ୍ଗଳବାର ଆୟବହିର୍ଭୁତ ସମ୍ପତ୍ତି ଠୁଳ ମାମଲାରେ ଭୁବନେଶ୍ୱର ସମେତ ବାଲେଶ୍ବର, ଭଦ୍ରକର ମୋଟ ୧୦ଟି ସ୍ଥାନରେ ଚଢାଉ କରିଛି ଭିଜିଲାନ୍ସ । ଜଣେ ଆଡିସିନାଲ ଏସପିଙ୍କ ନେତୃତ୍ବରେ ୫ଜଣ ଡିଏସପି ଓ ୭ଜଣ ଇନସ୍ପେକ୍ଟର ଛାନଭିନ କରୁଛନ୍ତି। ଡେପୁଟି ମ୍ୟାନେଜର ଥିବାରୁ ପୋଲିସ ହାଉସିଂ କର୍ପୋରେସନରେ ଅନେକ ଦୁର୍ନୀତିରେ ସମ୍ପୃକ୍ତ ଥିବା ଭିଜିଲାନ୍ସ ପକ୍ଷରୁ ସୂଚନା ମିଳିଛି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
