ଭୁବନେଶ୍ବର: ବିଦ୍ୟୁତ ଉପଭକ୍ତାଙ୍କ ପାଇଁ ଖୁସି ଖବର । ଚଳିତ ବର୍ଷ ବଢିବନି ବିଜୁଳି ଦର । ପୂର୍ବ ବର୍ଷର ଦର ଭଳି 2019-20 ଆର୍ଥିକ ବର୍ଷ ପାଇଁ ଓଡିଶା ବିଦ୍ୟୁତ ନିୟାମକ ଆୟୋଗ (ଓଇଆରସି) ବିଦ୍ୟୁତ ଦର ଅପରିବର୍ତ୍ତିତ ରଖିଛି । ତେବେ ଜୁନ୍ ପହିଲାରୁ ନୂଆ ଶୁଳ୍କ ଲାଗୁ ହେବ । ଗତବର୍ଷ ମଧ୍ୟ ଖୁଚରା ବିଦ୍ୟୁତ ଶୁଳ୍କ ଯାହାକୁ ସାଧାରଣ ଖାଉଟି ବ୍ୟବହାର କରିଥାନ୍ତି ତା ଉପରେ କୌଣସି ଶୁଳ୍କ ବଢି ନଥିଲା ।
ପୂର୍ବରୁ ଓଇଆରସି ପକ୍ଷରୁ ବିଜୁଳି ତାରିଫ ବୃଦ୍ଧି ସମ୍ପର୍କିତ ନିଷ୍ପତ୍ତି ନିଆଯାଇଥିଲା । କିନ୍ତୁ ଚଳିତବର୍ଷ ସାଧାରଣ ନିର୍ବାଚନ ତଥା ଆଚରଣ ବିଧି ନିୟମ ଲାଗୁ ହେବା ଯୋଗୁଁ ଏହା ସାର୍ବଜନିନ ହୋଇନଥିଲା । ରାଜ୍ୟର ସମସ୍ତ ବିଦ୍ୟୁତ ବଣ୍ଟନକାରୀ କମ୍ପାନୀଗୁଡ଼ିକ ଲାଗି ପାଇଁ ଏହି ନିର୍ଦ୍ଦେଶନାମା ଜାରି ହୋଇଛି । ତେବେ ଡ଼ିଜିଟାଲ ବିଲ୍ ପେମେଣ୍ଟ କଲେ ପୂର୍ବରୁ ୧ ପ୍ରତିଶତ ରିବେଟ୍ ମିଳୁଥିବା ବେଳେ ଏହାକୁ ଏବେ ୨ ପ୍ରତିଶତ କରାଯାଇଛି । ସେହିଭଳି ବର୍ଷତମାମ ସଠିକ୍ ବିଲ୍ ପେମେଣ୍ଟ କରୁଥିବା ଉପଭୋକ୍ତା ମାନଙ୍କୁ ମାର୍ଚ୍ଚ ମାସ ରିବେଟର ଦୁଇଗୁଣା ରିବେଟ୍ ମିଳିବ ।
ଭୁବନେଶ୍ବରରୁ ସଞ୍ଜିବ ରାୟ, ଇଟିଭି ଭାରତ
