ଭୁବନେଶ୍ବର: ଆସନ୍ତା ୫ ତାରିଖରୁ ଆରମ୍ଭ ହେବ ସୁନ୍ଦରୀ ପ୍ରତିଯୋଗିତା । ଆର୍ ଆର୍ ଇଭେଣ୍ଟ ଆଣ୍ଡ ଷ୍ଟୁଡ଼ିଓ 365 ଆନୁକୁଲ୍ୟରେ ଏକ ସୁନ୍ଦରୀ ପ୍ରତିଯୋଗିତା ଓଡ଼ିଶା କ୍ବିନ 2021 ଅନୁଷ୍ଠିତ ହେବାକୁ ଯାଉଛି । ଗାଁରୁ ଆରମ୍ଭ କରି ସହର, ସବୁ କ୍ଷେତ୍ରରୁ ପ୍ରତିଭା ସମ୍ପନ୍ନ ସୁନ୍ଦରୀ ମାନଙ୍କୁ ଖୋଜି ସେମାନଙ୍କ ଅନ୍ତର୍ନିହିତ ଗୁଣର ବିକାଶ ସହ ଓଡ଼ିଆ ସିନେମା ଜଗତକୁ ଏକ ନୂଆ ନାୟିକାଙ୍କୁ ଭେଟି ଦେବାକୁ ନେଇ ସୁନ୍ଦରୀ ପ୍ରତିଯୋଗିତା ଅନୁଷ୍ଠିତ ହେଉଛି ।
ଏହି ପ୍ରତିଯୋଗିତାରେ ଓଡ଼ିଶାର ବିଭିନ୍ନ ସହରରୁ ପ୍ରତିଯୋଗୀ ସାମିଲ ହେବେ । ଅନ୍ୟପଟେ କାର୍ଯ୍ୟକ୍ରମର ଶୋଭା ବଢାଇବା ପାଇଁ ଓଡ଼ିଶାର ଲୋକପ୍ରିୟ ଅଭିନେତ୍ରୀ ଅର୍ଚ୍ଚିତା ସାହୁ ବ୍ରାଣ୍ଡ ଆମ୍ବାସାଡର (brand ambassador) ରହିଛନ୍ତି । ଯେଉଁମାନେ ପ୍ରତିଯୋଗିତାରେ ଭାଗ ନେବାକୁ ଇଛୁକ ଥିବେ ସେମାନେ ରାଉରକେଲା, ସମ୍ବଲପୁର ,ବାଲେଶ୍ବର, ଭଦ୍ରକ, ବ୍ରହ୍ମପୁର ଯାଜପୁର, କୋରାପୁଟ ,କଟକ ଓ ଭୁବନେଶ୍ବରରେ ହେବାକୁ ଥିବା ଅଡିସନରେ ଭାଗ ନେଇପାରିବେ।
ତେବେ ଆସନ୍ତା ୫ ତାରିଖରେ ପ୍ରଥମେ ରାଉରକେଲାରୁ ଅଡିସନ ଆରମ୍ଭ ହେଉଥିବା ନେଇ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ଆଉ ଏମାନଙ୍କ ପ୍ରତିଭାକୁ ପରଖିବାକୁ ଜୁରୀ ରହିଛନ୍ତି ବ୍ୟୁଟି ପାର୍ଟନର ଭାବରେ ସୁକୃତି ପଟ୍ଟନାୟକ ଅଭିନେତ୍ରୀ ଭୂମିକା ,ତମନ୍ନା ,ସୀତଲ, ଅଭିନେତା ସୁବାଶିଷ ଶର୍ମା ଓ ଫ୍ୟାସନ ଡିଜାଇନର ଜାହିଦା ଅହମ୍ମଦ। ସବୁଠାରୁ ବଡ ଆକର୍ଷଣ ରହିଛନ୍ତି ବଲିଓଡ଼ ଅଭିନେତ୍ରୀ ଜ୍ୟାକଲିନ ଫର୍ଣ୍ଣଡେଜ। ସେ ଓଡ଼ିଶା କ୍ବିନ 2021 ପ୍ରତିଯୋଗୀମାନଙ୍କୁ ଭିଡିଓ ବାର୍ତାରେ ଉତ୍ସାହିତ କରିଛନ୍ତି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
