ଭୁବନେଶ୍ବର: ଓମିକ୍ରନ (Omicron) ନେଇ ଏବେ ଚିନ୍ତା ବଢିଥିବା ବେଳେ ଏହାକୁ ନେଇ କୌଣସି ଭୟ କରିବାର ନାହିଁ ବୋଲି କହିଛନ୍ତି ରାଜ୍ୟ ସ୍ବାସ୍ଥ୍ୟମନ୍ତ୍ରୀ ନବ ଦାସ (Health minister Naba Das on Omicron) । ଏନେଇ WHO କହିଛି ଯେ ଟିକା ଉପରେ ଏହା କେତେ ପ୍ରଭାବୀ ରହିବ ତା ବିଷୟରେ ମଧ୍ୟ ଗବେଷଣା ଚାଲିଛି । ତେବେ ଯେଉଁମାନେ ବିଦେଶରୁ ଆସୁଛନ୍ତି ସେମାନଙ୍କ ତଥ୍ୟ ଦେବାକୁ କେନ୍ଦ୍ର ସରକାରଙ୍କୁ ଅନୁରୋଧ କରିଛନ୍ତି ସ୍ବାସ୍ଥ୍ୟମନ୍ତ୍ରୀ । ଫଳରେ ସେମାନଙ୍କୁ ଯୋଗାଯୋଗ କରି ତାଙ୍କର କଣ୍ଟାକ୍ଟ ଟ୍ରେସିଂ ଏବଂ ଆବଶ୍ଯକ ବ୍ୟବସ୍ଥା କରାଯିବା ନେଇ ମନ୍ତ୍ରୀ କହିଛନ୍ତି ।
Omicron Fear: ଓମିକ୍ରନକୁ ନେଇ କୌଣସି ଭୟ କରିବାର ନାହିଁ
ଏହା ଉପରେ ବିଭାଗ ମଧ୍ୟ ତୀକ୍ଷ୍ମ ଦୃଷ୍ଟି ରଖିଛି । ଭୟ କରିବାର କୌଣସି କାରଣ ନାହିଁ। ଓଡିଶାକୁ କେତେ ବିଦେଶରୁ ଆସିଛନ୍ତି ତାର ଠିକ୍ ସଂଖ୍ଯା ନାହିଁ। କେନ୍ଦ୍ର ପକ୍ଷରୁ ତଥ୍ୟ ଆସିଲେ ପଦକ୍ଷେପ ନିଆଯିବ। ସମସ୍ତେ କେବଳ ସତର୍କ ରୁହନ୍ତୁ ବୋଲି କହିଛନ୍ତି ନବ ଦାସ ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
