ଭୁବନେଶ୍ବର: ଗଜରାଜଙ୍କୁ ନେଇ ରାଜ୍ୟରେ ହୋଇଛି ବଡ ଷଡଯନ୍ତ୍ର । ବନ ବିଭାଗର ଚିଠିକୁ ନକଲ କରି ତିଆରି ହୋଇଛି ନକଲି ଏନଓସି । ଯାହା ଏବେ ପର୍ଦ୍ଦାଫାଶ ହୋଇଛି ।
ଘଟଣା ଅନୁସାରେ, ରାଜ୍ୟ ବନ ବିଭାଗ ନାଁରେ ନକଲି ଚିଠି ପ୍ରସ୍ତୁତ କରି ଆସାମରୁ କୋରାପୁଟକୁ ହାତୀ ଆଣିବାକୁ ହୋଇଥିଲା ଯୋଜନା । ଏହାକୁ ନେଇ ଆସାମ ବନ ବିଭାଗକୁ ଓଡିଶା ବନ ବିଭାଗର ଏନଓସି ଦିଆଯାଇଥିଲା । ଏହାସହ ରାଜ୍ୟରେ ହାତୀ ଚୋରା ଚାଲାଣ ପାଇଁ ବଡ ରାକେଟ କାମ କରୁଛି । ରାଜ୍ଯ ବନ ବିଭାଗ ନାଁରେ ପ୍ରସ୍ତୁତ ହୋଇଛି ଫେକ ଏନଓସି । ଏହି ଏନଓସି ଜରିଆରେ ଅନ୍ୟ ରାଜ୍ୟରୁ ହାତୀ ଚାଲାଣ ପାଇଁ ଯୋଜନା ହେଉଛି । ରାଜ୍ୟ ସମେତ ରାଜ୍ୟ ବାହାରେ ଏମିତି ଏକ ହାତୀ ଚାଲାଣକାରୀ ସଂଗଠନ ସକ୍ରିୟ ରହିଛି । ବନ ବିଭାଗର ଅଜାଣତରେ ବିଭାଗର ଚିଠିକୁ ନକଲ କରି ଏନଓସି ଦିଆଯାଇ ଚିଠି ଲେଖାଯାଇଥିଲା ।
ଯୋଜନା ଅନୁସାରେ ଆସାମରୁ ଗୋଟିଏ ହାତୀ କୋରାପୁଟ ଆଣିବାକୁ ଆସାମ ବନ ବିଭାଗକୁ ଦିଆଯାଇଥିଲା ନକଲି ଏନଓସି । ଏହାସହ ଗୁଜୁରାଟରୁ ରାଜ୍ୟରୁ 6ଟି ହାତୀ ଆଣିବାକୁ ମଧ୍ୟ ଉଦ୍ୟମ କରିଥିଲେ ଏହି ର୍ୟାକେଟ । ରାଜ୍ୟ ବନ ବିଭାଗ ଏହି ଘଟଣା ଜାଣିବା ପରେ ଆସାମ ଓ ଗୁଜୁରାଟ ବନ ବିଭାଗକୁ ଅବଗତ କରିଛି । ଏନେଇ ସୂଚନା ଦେଇଛନ୍ତି ପିସିସିଏଫ ।
ଏହି ଘଟଣା ଜଣାପଡିବା ପରେ କେନ୍ଦ୍ର ସରକାରଙ୍କ ଓ୍ବାଇଲ୍ଡ ଲାଇଫ କ୍ରାଇମ କଣ୍ଟ୍ରୋଲ ବ୍ୟୁରୋ ସହ ସବୁ ରାଜ୍ୟର ପିସିସିଏଫଙ୍କୁ ଘଟଣା ସମ୍ପର୍କରେ ଅବଗତ କରିଛି ରାଜ୍ଯ ବନ ବିଭାଗ ।
ଇଟିଭି ଭାରତ, ଭୁବନେଶ୍ବର
