ଭୁବନେଶ୍ବର: ଲୋକସେବା ଭବନରେ ଉଚ୍ଚସ୍ତରୀୟ ବୈଠକରେ ଓଡ଼ିଶାର ପିପିପି ମୋଡରେ ହେଉଥିବା ପ୍ରୋଜେକ୍ଟର ସମୀକ୍ଷାରେ ଓଡିଶା ଅଗ୍ରଣୀ ରାଜ୍ୟ ନେଇ ଜଣାପଡିଛି । ସିଙ୍ଗଲ ଓ୍ଵିଣ୍ଡୋ କ୍ଲିୟରାନ୍ସ ଫଳରେ ଏହାର ସୁଫଳ ମିଳିଛି । ରାଜ୍ୟ ପିପିପି ସେଲକୁ ଅଧିକ କ୍ରିୟାଶୀଳ କରିବା ପାଇଁ ନୂତନ ଜ୍ଞାନକୌଶଳର ବ୍ୟବହାର କରିବାକୁ ମୁଖ୍ୟ ଶାସନ ସଚିବ ଆଦେଶ ଦେଇଛନ୍ତି । ଏହା ଫଳରେ ଅଧିକରୁ ଅଧିକ ଉଦ୍ୟଗୀଙ୍କୁ ନିବେଶ ପାଇଁ ଆକର୍ଷଣ କରିବ ବୋଲି ମୁଖ୍ୟ ଶାସନ ସଚିବ କହିଛନ୍ତି ।
ରାଜ୍ୟରେ ୨୦୧୯ ଜୁଲାଇ ୧ରୁ ୧୮.୩୪୯ କୋଟି ଟଙ୍କାର ବ୍ୟୟ ବରାଦ ହୋଇଥିବା ବେଳେ ମୋଟ ୮୮ଟି ପିପିପି ପ୍ରୋଜେକ୍ଟ ହେବାକୁ ଥିଲା । ସେଥିମଧ୍ୟରୁ ୫୭ଟି ପ୍ରୋଜେକ୍ଟର କାର୍ଯ୍ୟ ଶେଷ ହୋଇଥିବା ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ । ଏହି ପ୍ରକଳ୍ପ ଗୁଡିକ ମୁଖ୍ୟତଃ ଅରବାନ୍ ଡେଭଲପମେଣ୍ଟ, ଟ୍ରାନ୍ସପୋର୍ଟ, ସ୍ଵାସ୍ଥ୍ୟ, ଶିକ୍ଷା , ଗମନାଗମନ, ରାସ୍ତା, ଫୁଡ୍ ଆଦି କ୍ଷେତ୍ରରେ ପିପିପି ମୋଡରେ କାର୍ଯ୍ୟକାରୀ ହେଉଛି । ଏହା ସହ ବାକି ୧୪ଟି ପ୍ରକଳ୍ପ କାର୍ଯ୍ୟ ଆରମ୍ଭ ଖୁବଶୀଘ୍ର ହେବାକୁ ଥିବା ବେଳେ 17 ଟି ପ୍ରକଳ୍ପର କାର୍ଯ୍ୟ ଶେଷ ପ୍ରଯ୍ୟାୟରେ ପହଞ୍ଚିଥିବା ସୂଚନା ମିଳିଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
