ଭୁବନେଶ୍ବର: କମିଛି ବର୍ଷା, ହେଲେ ସମୁଦ୍ର ଯିବାକୁ ମତ୍ସ୍ୟଜୀବୀଙ୍କୁ ବାରଣ । କାରଣ ବୁଧବାର ଓ ଗୁରୁବାର ସମୁଦ୍ରରେ ଆସିପାରେ 4 ମିଟରରୁ ଅଧିକ ଉଚ୍ଚର ବଡ଼ ଢେଉ । ଲଘୁଚାପ ଏବେ ପଛଘୁଞ୍ଚା ଦେଇଛି । ଫଳରେ ଓଡିଶାରେ ଅରେଞ୍ଜ ୱାର୍ଣ୍ଣିଂର ଯେଉଁ ଜୋନ ଥିଲା ବର୍ତ୍ତମାନ ତାହା ହଟିଯାଇଥିବା ପାଣିପାଗ ବିଭାଗ ସୂଚନା ଦେଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
କିନ୍ତୁ ଆସନ୍ତା 15, 16 ଏବଂ 17 ଅଗଷ୍ଟରେ ପୁଣି ବର୍ଷା ହେବାର ସମ୍ଭାବନା ରହିଛି । ବିଶେଷ କରି ମୟୂରଭଞ୍ଜ, ସୁନ୍ଦରଗଡ, ଦେଓଗଡ଼, କେନ୍ଦୁଝର, ମାଲକାନଗିରି, ପୁରୀ, ରାୟଗଡା, କଳାହାଣ୍ଡି, ଗଜପତି ଗଞ୍ଜାମ ଅଞ୍ଚଳରେ ପ୍ରବଳ ବର୍ଷା ହେବା ସହ ବଜ୍ରପାତ ଏବଂ ବିଜୁଳୀ ମାରିବାର ଆଶଙ୍କା ରହିଛି । ଗତ 24 ଘଣ୍ଟା ଭିତରେ ବଲାଙ୍ଗୀରରେ ସର୍ବାଧିକ 555 ମିଲିମିଟର ବର୍ଷା ରେକର୍ଡ କରାଯାଇଛି। ସମ୍ପୂର୍ଣ୍ଣ ରାଜ୍ୟକୁ ଯଦି ଆକଳନ କରାଯାଏ ଆସନ୍ତା 24 ଘଣ୍ଟା ମଧ୍ୟରେ ବର୍ଷା କମିବାର ସମ୍ଭାବନା ରହିଛି ।
ଭୁବନନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
