ଭୁବନେଶ୍ବର: ହଟିଲା କୋଭିଡ ମହାମାରୀ ଆଇନ । କୋଭିଡ ପାଇଁ ଲାଗୁ ହୋଇଥିବା ବିପର୍ଯ୍ୟୟ ଆଇନ ହଟାଇଲେ ରାଜ୍ୟ ସରକାର । ଏଣିକି ଆଉ କୋଭିଡ ବିପର୍ଯ୍ୟୟ ଆଇନ ବା ମହାମାରୀ ଆଇନ ଅନ୍ତର୍ଗତ ହେବ ନାହିଁ । କୋଭିଡ ପାଇଁ ଲାଗୁ ହୋଇଥିବା ବିପର୍ଯ୍ୟୟ ପରିଚାଳନା ଆଇନକୁ ଦୁଇ ବର୍ଷ ପରେ ଉଠାଇ ଦେଇଛନ୍ତି ରାଜ୍ୟ ସରକାର ।
ରାଜ୍ୟରେ ବିପର୍ଯ୍ୟୟ ଆଇନରୁ ହଟିଲା ମହାମାରୀ । କୋଭିଡ୍ ସ୍ଥିତି ସୁଧୁରିଥିବାରୁ ମହାମାରୀ ବିପର୍ଯ୍ୟୟ ଆଇନରୁ ହଟାଇଛନ୍ତି ରାଜ୍ୟ ସରକାର । କେନ୍ଦ୍ର ସରକାର କୋଭିଡ କଟକଣା କୋହଳ କରିବା ପରେ ରାଜ୍ୟ ସରକାର ଏହି ନିଷ୍ପତ୍ତି ନେଇଛନ୍ତି । ଏନେଇ ଆଜି ଏସଆରସି ପ୍ରଦୀପ କୁମାର ଜେନାଙ୍କ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।
ପ୍ରାୟ 2 ବର୍ଷ ପରେ ରାଜ୍ୟରୁ ମହାମାରୀ କଟକଣା ହଟିଛି । ତେବେ ମାସ୍କ ପିନ୍ଧିବା ଓ ହାତ ଧୋଇବା ଜାରି ରଖିବାକୁ ରାଜ୍ୟ ସରକାର ପରାମର୍ଶ ଦେଇଛନ୍ତି । ଯଦି ଭବିଷ୍ୟତରେ କୋଭିଡ୍ ସ୍ଥିତି ବୃଦ୍ଧିପାଏ, ତେବେ ପୁନର୍ବାର ଆଇନ ଲାଗୁ ହୋଇପାରେ । ପୂର୍ବରୁ କୋଭିଡ ମହାମାରୀ ଆଇନକୁ କେନ୍ଦ୍ର ସରକାର ହଟାଇ ଦେଇ ଥିବାବେଳେ ମାସ୍କ ପରିଧାନକୁ ବାଧ୍ୟତାମୂଳକ କରିଛନ୍ତି କେନ୍ଦ୍ର ସରକାର ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ