ଭୁବନେଶ୍ବର: ରାଜ୍ୟ ସରକାରଙ୍କ ବଡ ନିଷ୍ପତ୍ତି। ଏଣିକି ହୋମ ଆଇସୋଲେସନରେ କୋଭିଡ ଆକ୍ରାନ୍ତଙ୍କ ଘର ସମ୍ମୁଖରେ ଆଉ ପୋଷ୍ଟର ଲାଗିବ ନାହିଁ। କୋଭିଡ ଆକ୍ରାନ୍ତ ସଂଖ୍ୟା ଯଥେଷ୍ଟ ହ୍ରାସ ହୋଇଥିବା ଦୃଷ୍ଟିରୁ ଏହି ପଦକ୍ଷେପ ନିଆଯାଇଛି।
ଏନେଇ ସବୁ ଜିଲ୍ଲାପାଳ, ମୁନିସପାଲଟି କମିଶନରଙ୍କ ନିକଟକୁ ଚିଠି ଲେଖିଛନ୍ତି ସ୍ୱାସ୍ଥ୍ୟ ବିଭାଗ ଅତିରିକ୍ତ ଶାସନ ସଚିବ ପ୍ରଦୀପ୍ତ ମହାପାତ୍ର।
ପୂର୍ବରୁ କୌଣସି ବ୍ୟକ୍ତି କୋରୋନା ସଂକ୍ରମିତ ହୋଇଥିଲେ , ସେମାନଙ୍କ ଘର ଆଗରେ କ୍ବାରେଣ୍ଟାଇନ ପୋଷ୍ଟର ଲଗାଯାଉଥିଲା । ସତର୍କ କରାଇବାକୁ ଏହି ପୋଷ୍ଟର ଲାଗେ । ହେଲେ ଏବେ ଆଉ ଆକ୍ରାନ୍ତଙ୍କ ଘର ଆଗରେ ଆଉ ପୋଷ୍ଟର ଲାଗିବନି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ,ଇଟିଭି ଭାରତ
