ଭୁବନେଶ୍ବର: ଆଜି(ଶୁକ୍ରବାର) ରାଜ୍ୟ ପ୍ରଦେଶ କଂଗ୍ରେସ (ପିସିସି)ର ସେବାଦଳ ପ୍ରସ୍ତୁତି ବୈଠକ ଅନୁଷ୍ଠିତ ହେବ।
ପିସିସି ସେବା ଦଳ ପକ୍ଷରୁ ସଦଭାବନା ରାଲି କରାଯିବ । ତାର ଚୁଡାନ୍ତ ରୂପରେଖ ପ୍ରସ୍ତୁତ ହୋଇସାରିଛି। ଶୁକ୍ରବାର ସକାଳ ସମୟରେ ଭୁବନେଶ୍ବର ସ୍ଥିତ କଂଗ୍ରେସ ଭବନରେ ପ୍ରସ୍ତୁତି ବୈଠକ ବସିବ। ଏହି ବୈଠକରେ ରାଜ୍ୟ ପ୍ରଭାରୀ ଡ. ଚେଲ୍ଲା କୁମାର ଯୋଗ ଦେବେ। ପିସିସି ସଭାପତି ନିରଞ୍ଜନ ପଟ୍ଟନାୟକ, ଏଆଇସିସି ସମ୍ପାଦକ ଜି. ରୁଦ୍ର ରାଜୁ ମଧ୍ୟ ଉପସ୍ଥିତ ରହିବେ।
ସେବାଦଳ ପକ୍ଷରୁ ଆହୁତ ପ୍ରସ୍ତୁତି ବୈଠକରେ ପିସିସି ସେବାଦଳ ମୁଖ୍ୟ ଆର୍ଯ୍ୟ କୁମାର ଜ୍ଞାନେନ୍ଦ୍ର ଏହାକୁ ପରିଚାଳନା କରିବେ। ସେବାଦଳର ଆଗାମୀ ଦିନର ରଣନୀତି ପ୍ରସ୍ତୁତ କରାଯିବ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ