କଟକ: ବିଗତ ୩ବର୍ଷ ମଧ୍ୟରେ ରାଜ୍ୟ ପରିବହନ ବିଭାଗ ପକ୍ଷରୁ କରାଯାଇଥିବା ଗାଡି ଯାଞ୍ଚ ଓ ଜରିମାନା ଇ-ଚାଲାଣକୁ ରଦ୍ଦ କରାଯାଇଛି । ଏନେଇ ରାଜ୍ୟ ପରିବହନ କମିଶନର ପକ୍ଷରୁ ଏକ ନିର୍ଦ୍ଦେଶନାମା ଜାରି କରାଯାଇଛି । ହାଇକୋର୍ଟଙ୍କ ଆଦେଶ ପରେ ୨୦୧୯ ଡିସେମ୍ବର ୩୧ତାରିଖରୁ ୨୦୨୨ ଜୁଲାଇ ୩୧ ମଧ୍ୟରେ ସମସ୍ତ ଇ-ଚାଲାଣକୁ ରଦ୍ଦ କରାଯାଇଥିବା ନିର୍ଦ୍ଦେଶନାମାରେ କୁହାଯାଇଛି ।
ଏହା ଫଳରେ ରାଜ୍ୟର ବିଭିନ୍ନ ଆଞ୍ଚଳିକ ପରିବହନ ଅଧିକାରୀଙ୍କ ପକ୍ଷରୁ ଗାଡି ଯାଞ୍ଚ କରାଯାଇ ଯେଉଁ ସବୁ ରିପୋର୍ଟ ଦାଖଲ କରାଯାଇଥିଲା ଓ ଜରିମାନା ବାବଦକୁ ଯେଉଁ ସବୁ ଇ-ଚାଲାଣ କରାଯାଇଥିଲା, ସେସବୁ ଆଉ ଆଦାୟ କରାଯିବ ନାହିଁ ବୋଲି ଜଣାପଡିଛି । ଗାଡ଼ି ଯାଞ୍ଚ ସଂକ୍ରାନ୍ତିୟ ମାମଲାର ବିଚାର କରି ହାଇକୋର୍ଟ ୧୫ ଜାନୁଆରୀ ୨୦୧୪ରେ ଏହି ଆଦେଶ ଦେଇଥିଲେ ।
