ଭୁବନେଶ୍ବର: ଆଜି(ଶନିବାର) ପ୍ରକାଶ ପାଇବ +2 ରେଜଲ୍ଟ । ସନ୍ଧ୍ୟା 5ଟା ରେ ବାଣିଜ୍ୟ ଓ ବିଜ୍ଞାନ ବିଭାଗରେ ଫଳ ପ୍ରକାଶ କରିବାକୁ ନିଷ୍ପତ୍ତି ନେଇଛି ଉଚ୍ଚ ମାଧ୍ୟମିକ ଶିକ୍ଷା ପରିଷଦ । WWW.orissaresults.nic.in ୱେବସାଇଟରେ ମାର୍କ ଉପଲବ୍ଧ ହେବ ।
ତେବେ ଏହି ଲିଙ୍କ୍ ଓପନ୍ କରି ଛାତ୍ରଛାତ୍ରୀ ନିଜର ରୋଲ୍ ନମ୍ବର ଦେଇ ରେଜଲ୍ଟ ଜାଣିପାରିବେ । ଏଥିସହ ସାମ୍ସ କଲେଜ ଇ-ସ୍ପେସରେ ମଧ୍ୟ ଫଳ ଉପଲବ୍ଧ ହେବ । ଚଳିତ ବର୍ଷ ଉଭୟ ବିଭାଗକୁ ମିଶାଇ 1 ଲକ୍ଷ 20 ହଜାର ଛାତ୍ରଛାତ୍ରୀଙ୍କ ଫଳ ପ୍ରକାଶ ପାଇବ । ଏମାନଙ୍କ ମଧ୍ୟରୁ ବିଜ୍ଞାନ ବିଭାଗର 95 ହଜାର ଏବଂ ବାଣିଜ୍ଯ ବିଭାଗରୁ 25 ହଜାର ଛାତ୍ରଛାତ୍ରୀଙ୍କ ଫଳାଫଳ ପ୍ରକାଶ ପାଇବ । ତେବେ ଏଥର ମଧ୍ୟ ମାଟ୍ରିକ ପିଲାଙ୍କ ପରି ବିନା ପରୀକ୍ଷାରେ ମାର୍କ ପାଇବେ ଯୁକ୍ତ 2 ଛାତ୍ରଛାତ୍ରୀ । ପରୀକ୍ଷା ଦେଇନଥିବାରୁ କେଉଁ ଆଧାରରେ ରେଜଲ୍ଟ ଆସିବ ତାକୁ ନେଇ ଛାତ୍ରଛାତ୍ରୀ ଚିନ୍ତିତ ଥିବା ଦେଖିବାକୁ ମିଳିଛି ।
ସେପଟେ କଳା ଓ ଧନ୍ଦାମୂଳକ ବିଭାଗର ଛାତ୍ରଛାତ୍ରୀ ରେଜଲ୍ଟକୁ ଅପେକ୍ଷା କରି ଥିବାବେଳେ ବର୍ତ୍ତମାନ ଫଳ ଏବେ ପ୍ରକାଶ ପାଇପାରିବ ନାହିଁ ବୋଲି ସ୍ପଷ୍ଟ କରାଯାଇଛି । ପାଠ୍ୟକ୍ରମର ଆବଶ୍ୟକ କାଗଜପତ୍ର ଯାଞ୍ଚ କରିବାକୁ ଅଧିକ ସମୟର ଆବଶ୍ୟକ ପଡୁଛି । ତେଣୁ କଳା ଓ ଧନ୍ଦାମୂଳକ ରେଜଲ୍ଟ ପ୍ରକାଶ ପାଇଁ ଅଧିକ ସମୟ ଦେବାକୁ ସୁପ୍ରିମକୋର୍ଟରେ ଆବେଦନ କରିଛି ମାଧ୍ୟମିକ ଶିକ୍ଷା ପରିଷଦ । ସବୁ ପରେ ବି କିପରି ବାକି ବିଭାଗର ରେଜଲ୍ଟ ଶୀଘ୍ର ରୁ ଅତିଶୀଘ୍ର ପ୍ରକାଶ ପାଇବ ସେନେଇ ପ୍ରସ୍ତୁତି ଜାରି ରହିଥିବା ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
