ଭୁବନେଶ୍ବର: ଆସନ୍ତା 30 ତାରିଖ ଠାରୁ ଜୁଲାଇ 14 ତାରିଖ ପର୍ଯ୍ୟନ୍ତ ଇଂଲଣ୍ଡ ଠାରେ ଅନୁଷ୍ଠିତ ହେବାକୁ ଯାଉଛି ଦ୍ବାଦଶ କ୍ରିକେଟ ବିଶ୍ବକପ । ଆଉ ଏହି ବିଶ୍ବକପରେ ଟିମ ଇଣ୍ଡିଆକୁ ନିଆରା ଢଙ୍ଗରେ ଶୁଭେଚ୍ଛା ଜଣାଇଛନ୍ତି ଶିଳ୍ପୀ ଏଲ ଈଶ୍ବର ରାଓ ।
ଭିଡିଓ ସୌଜନ୍ୟ- ପ୍ରତିନିଧି, ଭୁବନେଶ୍ବର
ସୂକ୍ଷ୍ମ କଳାକୃତି ନିର୍ମାଣ କରିବା ପାଇଁ ଜଣାଶୁଣା ରାଓ ପେନସିଲ ମୁନରେ ଅଧ ସେଣ୍ଟିମିଟରର ଏକ ବିଶ୍ବକପ ପ୍ରତିକୃତି କରିଛନ୍ତି ।
ଯାହାକୁ ତିଆରି କରିବାକୁ ତାଙ୍କୁ ପାଖାପାଖି 3 ଦିନ ସମୟ ଲାଗିଥିବା ସେ କହିଛନ୍ତି । ଏହି ପ୍ରତିକୃତି ମାଧ୍ୟମରେ ଟିମ ଇଣ୍ଡିଆକୁ ଶୁଭେଚ୍ଛା ଜଣାଇବା ସହିତ ଭାରତୀୟ କ୍ରିକେଟ ପ୍ରଶଂସକଙ୍କ ପାଇଁ ବିଶ୍ବକପ ଟ୍ରଫି ଜିତି ଆଣିବାକୁ ସେ ଆଶା ପୋଷଣ କରିଛନ୍ତି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
