ଭୁବନେଶ୍ବର: ଆଜି ହେଉଛି ମହାବିଷୁବ ସଂକ୍ରାନ୍ତି ତଥା ପଣା ସଂକ୍ରାନ୍ତି। ଏହି ସଂକ୍ରାନ୍ତିକୁ ପ୍ରଥମ ସଂକ୍ରାନ୍ତି ଭାବେ ଗଣାଯିବା ସହ ଆଜିର ଦିନଟିକୁ ଓଡ଼ିଆ ନବ ବର୍ଷ ଭାବରେ ପାଳନ କରିଥାନ୍ତି ଓଡିଆମାନେ । ତେବେ ଏହି ଅବସରରେ ଗାଁରୁ ସହର ସବୁଠି ଦେଖିବାକୁ ମିଳିଛି ଖୁସି ଏବଂ ଉଲ୍ଲାସର ବାତାବରଣ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଆଜିର ଦିନଟିକୁ ହନୁମାନ ଜୟନ୍ତୀ ଭାବେ ମଧ୍ୟ ପାଳନ କରିଥାନ୍ତି ଓଡିଶାବାସୀ। ହନୁମାନ ମନ୍ଦିରରେ ୧୦୮ ହନୁମାନ ଚାଳିଶା ପାଠ କରି ନିଜର ମନସ୍କାମନା ପୁରାଣ କରିଥାନ୍ତି। ତେବେ ଆଜି ପ୍ରତ୍ୟେକ ହନୁମାନ ମନ୍ଦିରରେ ଦେଖିବାକୁ ମିଳିଛି ଭକ୍ତଙ୍କ ଭିଡ । ଏହା ବ୍ୟତିତ ମା ତାରିଣୀଙ୍କ ପୀଠରେ ମଧ୍ୟ ଭକ୍ତଙ୍କ ଭିଡ ଦେଖିବାକୁ ମିଳିଛି।
ଆଜି ଦିନରେ ଆଉ ଏକ ବିଶେଷତ୍ଵ ହେଲା ବେଳ ପଣା। ପୂଜା ସାରି ବେଲ ପଣା ସେବନ କରନ୍ତି ଭକ୍ତମାନେ। ତେବେ ଓଡ଼ିଶାର ବିଭିନ୍ନ ସ୍ଥାନରେ ଓ ଦେବାଳୟରେ ଆଜି ବେଲ ପଣା ବଣ୍ଟନ କରାଯାଇଛି । ଯାହାର ଆନନ୍ଦ ଉଠାଉଛନ୍ତି ରାଜ୍ୟବାସୀ ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
