ଭୁବନେଶ୍ବର: ଭାରତୀୟ ମହିଳା ଫୁଟବଲ ଦଳର ସ୍ଥାନ ପାଇଲେ ଓଡ଼ିଆ ଝିଅ ମନିଶା ପନ୍ନା । ଏସିଆନ୍ ଫୁଟବଲ କପ୍ ପାଇଁ ଚୟନ ହୋଇଥିବା ଦଳରେ ମନିଶାଙ୍କୁ ସ୍ଥାନ ଦିଆଯାଇଛି । ପିଲାଟି ଦିନରୁ ମନିଶା ପନ୍ନାଙ୍କ ଫୁଟବଲ୍ ପ୍ରତି ଆଗ୍ରହ ରହିଥିଲା । ଯାହାଫଳରେ ଆଜି(ବୁଧବାର) ତାଙ୍କୁ ଏଭଳି ଏକ ବଡ଼ ଚମ୍ପିଆନ୍ସିପ୍ ପାଇଁ ଭାରତୀୟ ଦଳରେ ସାମିଲ ହେବାର ସୁଯୋଗ ଦେଇଛି ।
ଭାରତୀୟ ମହିଳା ଫୁଟବଲ ଦଳର ସ୍ଥାନ ପାଇଲେ ଓଡ଼ିଆ ଝିଅ
ମନିଷା ୨୦୧୫ ମସିହାରେ ଭାରତୀୟ ଦଳରେ ପ୍ରଥମେ ସ୍ଥାନ ପାଇଥିଲେ । ସାଉଥ୍ ଏସିଆନ୍ ଗେମ୍ ଓ ସାଫ୍ ମହିଳା ଫୁଟବଲ୍ ଚମ୍ପିଆନସିପ୍ ବିଜୟୀ ଦଳର ଅଂଶ ଥିଲେ ମନିଶା ପନ୍ନା । ଏସିଆନ୍ ଫୁଟବଲ୍ ଚମ୍ପିଆନସିପ୍ ପାଇଁ ଘୋଷଣା ହେଇଥିବା ଦଳରେ ମନିଷାଙ୍କୁ ସାମିଲ କରାଯାଇଛି । ଆସନ୍ତା ୨୦ ତାରିଖରୁ ଫେବ୍ରୁଆରୀ ୬ ତାରିଖ ପର୍ଯ୍ୟନ୍ତ ଭାରତରେ ଖେଳାଯିବ ଏସିଆନ୍ ଫୁଟବଲ୍ ଚମ୍ପିଆନସିପ୍ ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
