ଭୁବନେଶ୍ବର: ବିଜୁ ପଟ୍ଟନାୟକଙ୍କ ଜୀବନୀକୁ ଆଧାର କରି ହୋଇଥିବା ସଙ୍ଗୀତ ଆଲବମ୍ ‘ଝଡର ଇଗଲ ତୁମେ’ ଉନ୍ମୋଚିତ ହୋଇଛି । ଏହାକୁ ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ଏବଂ ସାଂସଦ ଅମର ପଟ୍ଟନାୟକ ଉନ୍ମୋଚିତ କରିଛନ୍ତି । ଚଣ୍ଡିଖୋଲର ବୀଣାପାଣି କଳାପୀଠ ଏହି ସଙ୍ଗୀତ ଆଲବମକୁ ପ୍ରସ୍ତୁତ କରିଥିବା ଜଣାପଡିଛି ।
ଆଲବମର ସଙ୍ଗୀତ ନିର୍ଦ୍ଦେଶନା ଧର୍ମଶାଳା ବ୍ଲକ୍ର ବିଜେଡି ସାଂସ୍କୃତିକ ସମନ୍ବୟ ସାମ୍ମୁଖ୍ୟର ସଂଯୋଜକ ବିପିନ ସ୍ବାଇଁ ଦେଇଥିବାବେଳେ ବିଜୟ ମହାନ୍ତି ଗୀତ ରଚନା କରିଛନ୍ତି । ଏଥିରେ କଣ୍ଠଦାନ କରିଛନ୍ତି ବିଶିଷ୍ଟ ଗାୟକ କରୁଣାକର ।
ଏହି ଉନ୍ମୋଚନ ଉତ୍ସବରେ ବିଜେଡି ସାଂସ୍କୃତିକ ସମନ୍ବୟ ସାମ୍ମୁଖ୍ୟର ରାଜ୍ୟ ଆବାହକ ରବିନାରାୟଣ ନନ୍ଦ, ରାଜ୍ୟ ସଂଯୋଜକ ପ୍ରବୀର ମହାନ୍ତି, ରାଜ୍ୟ କମିଟି ସଦସ୍ୟ ଡ. ଜୀବନ ଦୀକ୍ଷିତ, ଯାଜପୁର ଜିଲ୍ଲା ସଂଯୋଜକ ହରିହର ସ୍ବାଇଁ, ନିର୍ଦ୍ଦେଶକ ବିପିନ ସ୍ବାଇଁ, ଗୀତିକାର ବିଜୟ ମହାନ୍ତି ପ୍ରମୁଖ ଯୋଗ ଦେଇଥିଲେ ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
