ଭୁବନେଶ୍ବର: ଦୀର୍ଘ 7 ମାସ ପରେ ରାଜଧାନୀରେ ତଳମୁହାଁ ହୋଇଛି କୋରୋନା ଗ୍ରାଫ୍। କମୁଛି ସଂକ୍ରମଣ । ସରକାରୀ ତଥ୍ୟ ଆଧାରରେ ଅକ୍ଟୋବର ମାସରେ କୋରୋନା ମିଟର ତଳକୁ ଖସୁଛି।
ସ୍ମାର୍ଟସିଟିରେ କମୁଛି ଦୈନିକ କୋରୋନା ଆକ୍ରାନ୍ତଙ୍କ ସଂଖ୍ୟା
ଟେଷ୍ଟ ସଂଖ୍ୟା ସାମୟିକ ଭାବେ ହ୍ରାସ ପାଇଥିବାବେଳେ କୋରୋନା ସଂକ୍ରମଣ ସଂଖ୍ୟା ମଧ୍ୟ କମିବାରେ ଲାଗିଛି। ଭୁବନେଶ୍ବର ମହାନଗର ନିଗମ ଅଞ୍ଚଳରେ ଦୈନିକ (ଘରୋଇ ଓ ସରକାରୀ) 4000 ଟେଷ୍ଟ ହେଉଛି।
ସରକାରୀ ରିପୋର୍ଟ ଅନୁଯାୟୀ, ସେପ୍ଟେମ୍ବର ମାସ ଶେଷ ସୁଦ୍ଧା କୋରୋନା ପଜିଟିଭ ସଂଖ୍ୟା ଦୈନିକ 350 ରୁ 400 ଥିବାବେଳେ ଅକ୍ଟୋବରରେ ଦୈନିକ 280ରୁ 300 ଟି ମାମଲା ସାମ୍ନାକୁ ଆସୁଛି ।
ସେପ୍ଟେମ୍ବର 30 ସୁଦ୍ଧା ଭୁବନେଶ୍ବରରେ କୋରୋନା ଚିତ୍ର...
| ମୋଟ ଆକ୍ରାନ୍ତ | ସୁସ୍ଥ | ମୃତ୍ୟୁ ସଂଖ୍ୟା | ସକ୍ରିୟ ମାମଲା |
| 21,895 | 18248 | 93 | 3537 |
ଅକ୍ଟୋବର 12 ତାରିଖ ସୁଦ୍ଧା ଭୁବନେଶ୍ବରରେ କୋରୋନା ଚିତ୍ର...
| ମୋଟ ଆକ୍ରାନ୍ତ | ସୁସ୍ଥ | ମୃତ୍ୟୁ ସଂଖ୍ୟା | ସକ୍ରିୟ ମାମଲା |
| 25735 | 22210 | 119 | 3385 |
ତେବେ ଏହି ଚିତ୍ର ଦୈନିକ ସଂକ୍ରମଣ ସଂଖ୍ୟା କମୁଥିବାର ବୟାନ କରୁଛି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
