ଭୁବନେଶ୍ବର: ଦେଶର ସବୁ ଜିଲ୍ଲାରେ ଖୋଲିବ କର୍ମଚାରୀ ରାଜ୍ୟ ବୀମା ହସ୍ପିଟାଲ(ଇଏସଆଇ) । ପ୍ରତି ୨୦ ହଜାର ଶ୍ରମିକଙ୍କ ପାଇଁ ରହିବ ୩୦ ଶଯ୍ୟା ବିଶିଷ୍ଟ ହସ୍ପିଟାଲ। ହେଲେ ଏଥିପାଇଁ କେବଳ ସୁପ୍ରିମକୋର୍ଟଙ୍କ ଗ୍ରୀନ ସିଗନାଲକୁ ଅପେକ୍ଷା । ଏଥିସହ ଦରଦାମ ବୃଦ୍ଧିକୁ ନଜରରେ ରଖି ସର୍ବନିମ୍ନ ମଜୁରୀ ନେଇ ମଧ୍ୟ ଚର୍ଚ୍ଚା ହୋଇଛି ମଙ୍ଗଳବାର ଭୁବନେଶ୍ବରରେ ପୂର୍ବଞ୍ଚାଳ ରାଜ୍ୟ ଶ୍ରମ ମନ୍ତ୍ରୀ ଓ ସଚିବଙ୍କ ସମ୍ମିଳନୀ ଅନୁଷ୍ଠିତ ହୋଇଛି ।
କେନ୍ଦ୍ର ଶ୍ରମମନ୍ତ୍ରୀ ସନ୍ତୋଷ ଗଙ୍ଗୱାରଙ୍କ ଅଧ୍ୟକ୍ଷତାରେ ଶ୍ରମିକଙ୍କ ପାଇଁ କେନ୍ଦ୍ର ସରକାରଙ୍କ ଆଇନ ସମ୍ପର୍କରେ ଆଲୋଚନା ହୋଇଛି । ଏଥିରେ ଓଡିଶା , ବିହାର, ଝାଡଖଣ୍ଡ, ଛତିଶଗଡ, ପଶ୍ଚିମବଙ୍ଗ, ଆଣ୍ଡାମାନ ଓ ନିକୋବର ଦୀପପୁଞ୍ଜର ଶ୍ରମ ମନ୍ତ୍ରୀ ଓ ସଚିବ ମାନେ ଯୋଗ ଦେଇଥିଲେ ।
କେନ୍ଦ୍ର ରାଜ୍ୟର ସମନ୍ଵୟରେ ଶ୍ରମିକଙ୍କ ସର୍ବାଙ୍ଗୀନ ଉନ୍ନତି ପାଇଁ ଯୋଜନା ପ୍ରସ୍ତୁତ କରାଯାଇଛି । ଭାରତ ସରକାରଙ୍କ ଶ୍ରମ ଓ ରୋଜଗାର ମନ୍ତ୍ରାଳୟ ଦ୍ବାରା ଓଡ଼ିଶାରେ ଶ୍ରମ ସମ୍ମିଳନୀ ଆୟୋଜିତ ହେଉଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ