ଭୁବନେଶ୍ବର: ଜମି ଦଲାଲିକୁ ନେଇ ରକ୍ତରଞ୍ଜିତ ହେଲା ରାଜଧାନୀର ରଙ୍ଗମାଟିଆ । ଯୁବକକୁ ଗୋଡେଇ ଗୋଡେଇ ହାଣି ହତ୍ୟା । ମୃତକ ଜଣଙ୍କ ହେଉଛନ୍ତି ଦିପକ ବେହେରା ଓରଫ ଲଣ୍ଡା । ଏହି ହତ୍ୟାକାଣ୍ଡ ପରେ ଘଟଣା ସ୍ଥଳରେ ଲାଗି ରହିଛି ଚାପା ଉତ୍ତେଜନା ।
ଦୁଇ ସାହିରେ ଥିବା ଜମି ଦଲାଲଙ୍କ ଗଣ୍ଡଗୋଳ କାରଣରୁ ହୋଇଛି ଏହି ହତ୍ୟାକାଣ୍ଡ । ତେବେ ଘଟଣାର ହତ୍ୟାକାରି ଫେରାର ଥିବା ବେଳେ ପୁର୍ବ ଶତ୍ରୁତାକୁ ନେଇ ହତ୍ୟା ହୋଇଥିବା ସୂଚନା ମିଳିଛି ।
ତେବେ ମଞ୍ଚେଶ୍ବର ଥାନା ଅଞ୍ଚଳର ରଙ୍ଗମାଟିଆରେ ଚାଲିଛି ଜମି ବେପାର । ଯାହାକୁ ନେଇ ବଢିଛି ଜମି ଦଲାଲଙ୍କ କାରବାର । ଜଣେ ଜମି ଦଲାଲଠୁ ଆଉ ଜଣେ ଜମି ଦଲାଲ କାରବାର ହେବା ନେଇ ପୁର୍ବରୁ ଲାଗି ରହିଥିଲା ବିବାଦ । ଯାହାର ଉଗ୍ରରୁପ ଆଜି(ମଙ୍ଗଳବାର) ଦେଖିବାକୁ ମିଳିଥିଲା ।
ଏହାସହ ଏହି ହତ୍ୟାକାଣ୍ଡ ପଛରେ 5 ରୁ 6 ଜଣଙ୍କ ହାତ ଥିବା ସୂଚନା ମିଳିଛି । ଯାହାକୁ ନେଇ କମିଶନରେଟ ପୋଲିସ ତଦନ୍ତ ଜାରି ରଖିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
