ଭୁବନେଶ୍ବର: ଆଜି(ରବିବାର) ସାଂସଦ ଅପରାଜିତା ଷଡଙ୍ଗୀ ରାଜଧାନୀରେ ଥିବା ଲକ୍ଷ୍ମୀସାଗର ପୋଖରୀ ଅଞ୍ଚଳ ପରିଦର୍ଶନ କରିଛନ୍ତି । ପରିଦର୍ଶନ କରିବା ପରେ ଉନ୍ନତିକରଣ କାର୍ଯ୍ୟ କୁଆଡେ ଗଲା ବୋଲି ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଶ୍ନ କରିଛନ୍ତି ।
ଲକ୍ଷ୍ମୀସାଗର ପୋଖରୀର ଉନ୍ନତିକରଣ ପାଇଁ ୨୦୧୬ ମସିହା ୨୯ ମାର୍ଚ୍ଚରେ ପ୍ରକଳ୍ପ ଆରମ୍ଭ କରିଥିଲେ ମୁଖ୍ୟମନ୍ତ୍ରୀ । ଏହି କାର୍ଯ୍ୟରେ ୬.୬୯ କୋଟି ଟଙ୍କା ଖର୍ଚ୍ଚ ହୋଇଥିଲା । ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଆଜି ସକାଳେ ଅଞ୍ଚଳ ପରିଦର୍ଶନ କରିବା ପରେ ମୁଖ୍ୟମନ୍ତ୍ରୀଙ୍କୁ ଟାର୍ଗେଟ କରିଛନ୍ତି । ପୋଖରୀର ଉନ୍ନତିକରଣ କାର୍ଯ୍ୟ କୁଆଡେ ଗଲା ବୋଲି ସେ ପ୍ରଶ୍ନ କରିଛନ୍ତି ।
ଯଦି ଏତେ ଟଙ୍କା ଖର୍ଚ୍ଚ ହୋଇଛି ତାହେଲେ ଏହାର ରେଜଲ୍ଟ କାହିଁ ? ଆଉ ଯଦି ଟଙ୍କା ଖର୍ଚ୍ଚ ହୋଇନାହିଁ ତେବେ ସେ ଟଙ୍କା କିଏ ହଡ଼ପ କଲା ବୋଲି ସେ ପ୍ରଶ୍ନ କରିଛନ୍ତି । ପରିଦର୍ଶନ ସମୟରେ ତାଙ୍କ ସହିତ ଦଳର ଅନ୍ୟ କର୍ମୀମାନେ ମଧ୍ୟ ରହିଥିଲେ ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
