ଭୁବନେଶ୍ବର: ବିଜେପି ନେତା ଜଗନ୍ନାଥ ପ୍ରଧାନଙ୍କୁ ଭେଟିଲେ ସାଂସଦ ଅପରାଜିତା ଷଡଙ୍ଗୀ । ସାଂସଦ ଅଧିବେଶନ ପରେ ଏୟାରପୋର୍ଟରୁ ଆସି ଜଗନ୍ନାଥ ପ୍ରଧାନଙ୍କୁ ଭେଟିଲେ ସାଂସଦ ଅପରାଜିତା ।
ଭୁବନେଶ୍ୱର ସାଂସଦ ତଥା ବିଜେପି ରାଷ୍ଟ୍ରୀୟ ପ୍ରବକ୍ତା ଅପରାଜିତା ଷଡ଼ଙ୍ଗୀ ଗତକାଲି(ଶନିବାର) ରାତିରେ ସଂସଦ ଅଧିବେଶନ ପରେ ଏୟାରପୋର୍ଟରୁ ସିଧାସଳଖ ଆସି ମଧ୍ୟ ଭୁବନେଶ୍ୱର କାର୍ଯ୍ୟାଳୟରେ ଜଗନ୍ନାଥ ପ୍ରଧାନଙ୍କୁ ଭେଟି ବିଭିନ୍ନ ରାଜନୈତିକ ବିଷୟ ନେଇ ଗୁରୁତ୍ୱପୂର୍ଣ୍ଣ ଆଲୋଚନା କରିଥିବା ଜଣାପଡିଛି l
ଏହି ଅବସରରେ ସଙ୍ଗଠନ ହିଁ ଶକ୍ତି ବୋଲି କହିଛନ୍ତି ସାଂସଦ ଅପରାଜିତା । ତେବେ ବିଜେପି ନେତା ଜଗନ୍ନାଥ ପ୍ରଧାନ ବିଜେଡିର ଯୋଗ ଦେବା ନେଇ ଚର୍ଚ୍ଚା ହେବା ପରେ ସାଂସଦ ଅପରାଜିତାଙ୍କ ସାକ୍ଷାତ କି ମୋଡ ନେଉଛି ତାହା ଉପରେ ସମସ୍ତଙ୍କ ନଜର ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
