ଭୁବନେଶ୍ବର: ଲାଞ୍ଚ ନେଇ ବନ୍ଧାହେଲେ ଥାନାବାବୁ । ଏଭଳି ଘଟଣା ସାମ୍ନାକୁ ଆସିଛି ମାଲକାନଗିରି ଜିଲ୍ଲା ମୋଟୁ ଥାନାଧିକାରୀଙ୍କ ନାଁରେ । ସୂଚନାନୁସାରେ ମାଲକାନଗିରି ଜିଲ୍ଲା ମୋଟୁ ଥାନାଧିକାରୀ ଖୋର୍ଦ୍ଧାରେ ୨ଲକ୍ଷ ୮୦ହଜାର ଟଙ୍କା ଲାଞ୍ଚ ନେଉଥିବାବେଳେ ଭିଜିଲାନ୍ସ ହାତରେ ଧରାପଡିଛନ୍ତି । ତେବେ ଗିରଫ ଥାନାଧିକାରୀ ଜଣକ ହେଉଛନ୍ତି ସନ୍ତୋଷ କୁମାର ସାହୁ ।
ବେଆଇନ ସମ୍ପତ୍ତି ଠୁଳ ମାମଲାରେ ଆଜି (ବୁଧବାର) ଖୋର୍ଦ୍ଧା ନିକଟରୁ ମାଲକାନଗିରି ଜିଲ୍ଲାର ମୋଟୁ ଥାନା ଅଧିକାରୀଙ୍କୁ ଗିରଫ କରିଛି ଖୋର୍ଦ୍ଧା ଭିଜିଲାନ୍ସ । ସୂଚନାନୁଯାୟୀ ମୋଟୁ ଥାନା ଅଧିକାରୀ ବୁଧବାର ମୋଟୁରୁ ତାଙ୍କ ଫୁଲନଖରା ସ୍ଥିତ ବାସଭବନକୁ ଏକ ଏସୟୁଭି କାରରେ ଯାଉଥିବାବେଳେ ଖୋର୍ଦ୍ଧା ନିକଟରେ ଧରିଛି ଭିଜିଲାନ୍ସ ।
ସେହିପରି ଭିଜିଲାନ୍ସ ତାଙ୍କ ଗାଡିରୁ ନଗଦ ଦୁଇ ଲକ୍ଷ 80 ହଜାର ଟଙ୍କା ଜବତ କରିବା ସହ ଗାଡିକୁ ଜବତ ଅଭିଯୁକ୍ତକୁ ଗିରଫ କରାଯାଇଛି । ସେହିପରି ତାଙ୍କ ଫୁଲନଖରା ସ୍ଥିତ ନିଜ ଘର ଓ କଟକ ଶଶୁର ଘରେ ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଉଥିବା ଭିଜିଲାନ୍ସ ପକ୍ଷରୁ ସୂଚନା ମିଳିଛି ।
ଭୁବନେଶ୍ବରରୁ ତାପସ ପରିଡା ଓ ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
