ଭୁବନେଶ୍ବର: ନନ୍ଦନକାନନ ପ୍ରାଣୀ ଉଦ୍ୟାନରେ ଏକ ମାଈ ସମ୍ବରର ମୃତ୍ୟୁ ହୋଇଛି। ଦୀର୍ଘଦିନ ଧରି ସେ ଅସୁସ୍ଥ ଥିଲା। ଏନେଇ ନନ୍ଦନକାନନ କର୍ତ୍ତୃପକ୍ଷ ସୂଚନା ଦେଇଛନ୍ତି ।
ମାଈ ସମ୍ବରର ଦୀର୍ଘଦିନ ଧରି ଅସୁସ୍ଥ ଥିବାରୁ ତାର ଚିକିତ୍ସା ଚାଲିଥିଲା। ତେବେ ଆଜି(ବୁଧବାର) ହଠାତ୍ ଅସୁସ୍ଥ ହେବାରୁ ତାର ମୃତ୍ୟୁ ହୋଇଛି। ତେବେ ଏହି ମାଈ ସମ୍ବରର ମୃତ୍ୟୁ ପରେ ଏବେ ନନ୍ଦନକାନନରେ କେବଳ 6 ପୁରୁଷ ଓ 10 ମାଈ ସମ୍ବର ରହିଛନ୍ତି।
ସୂଚନାଅନୁସାରେ, କୋରୋନା ମହାମାରୀ ଯୋଗୁଁ ଦୀର୍ଘଦିନ ହେଲା ବନ୍ଦ ରହିଥିବା ନନ୍ଦନକାନନ ପ୍ରାଣୀ ଉଦ୍ୟାନ ଅକ୍ଟୋବର 4 ତାରିଖରେ ଖୋଲିଥିଲା । ଏହି ସମୟରେ କୋଭିଡ ସତର୍କତା ପାଳନକୁ କଡାକଡି କରି ପର୍ଯ୍ୟଟକଙ୍କୁ ଭିତରକୁ ଛଡାଯିବାକୁ ବ୍ୟବସ୍ଥା କରାଯାଇଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
