ଭୁବନେଶ୍ବର: କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଓଡିଶାର ରାଜଧାନୀ ଭୁବନେଶ୍ବରରେ CAA ସମର୍ଥନରେ ଆୟୋଜିତ ଏକ ବିଶାଳ ରାଲିକୁ ସମ୍ବୋଧନ କରିଛନ୍ତି । ଏହି ସମୟରେ ନାଗରିକତା ସଂଶୋଧନ ଆଇନ ବିରୋଧରେ ମିଥ୍ୟା ପ୍ରଚାର କରିବାକୁ ନେଇ କଂଗ୍ରେସ ସମେତ ପୁରା ବିପକ୍ଷକୁ ଟାର୍ଗେଟ କରିଛନ୍ତି ଶାହ ।
ଗୃହମନ୍ତ୍ରୀ ଅମିତ ଶାହ କହିଛନ୍ତି ଯେ ନାଗରିକତା ସଂଶୋଧନ ଆଇନକୁ ନେଇ ମିଥ୍ୟା ପ୍ରଚାର କରାଯାଉଛି କି ଏହା ଦ୍ବାରା ମୁସଲମାନଙ୍କ ନାଗରିକତା ଛଡାଇ ନିଆଯିବ । ଏହା ସମ୍ପୂର୍ଣ୍ଣ ଭୁଲ । ଏଥିରେ କୌଣସି ସତ୍ୟତା ନାହିଁ । ସିଏଏ ଉପରେ ମିଛ ପ୍ରଚାର କରି ଲୋକଙ୍କୁ ଉସକାଉଥିବା କାମ କରାଯାଉଛି ବୋଲି ଶାହ କହିଛନ୍ତି । ଏହି ଆଇନ ଦ୍ବାରା କୌଣସି ବି ମୁସଲମାନଙ୍କ ନାଗରିକତା ଛଡାଇ ନିଆଯିବ ନାହିଁ ବୋଲି ସେ ସ୍ପଷ୍ଟ କରିଛନ୍ତି ।
ସିଏଏକୁ ନେଇ ଶାହ କହିଛନ୍ତି, ଏହା ନାଗରିକତା ଛଡାଇନେବାର ନୁହେଁ ବରଂ ନାଗରିକତା ଦେବାର ଆଇନ । ଦେଶର ବିଭାଜନ ସମୟରେ ଯେଉଁ ହିନ୍ଦୁ, ଶିଖ, ଖ୍ରୀଷ୍ଟିଆନ, ବୌଦ୍ଧ, ଜୈନ ଓ ପାରସି ସମୁଦାୟ ପାକିସ୍ତାନ, ଆଫଗାନିସ୍ତାନ ଓ ବାଂଲାଦେଶରେ ରହିଯାଇଥିଲେ, ସେମାନଙ୍କୁ ନାଗରିକତା ଦେବା ପାଇଁ ସିଏଏ ଆଇନ ଅଣାଯାଇଛି । ଏହି ସମୁଦାୟର ନାଗରିକ ପାକିସ୍ତାନ, ଆଫଗାନିସ୍ତାନ ଓ ବାଂଲାଦେଶରେ ଧର୍ମ ନାଁରେ ଉତ୍ପୀଡନର ଶିକାର ହେଉଛନ୍ତି । ସେଠାରେ ଏମାନଙ୍କର ଜବରଦସ୍ତି ଧର୍ମ ପରିବର୍ତ୍ତନ କରାଯାଉଛି ।
ଏହିପରି ଅନେକ ଲୋକ ଯେଉଁମାନେ ଅନ୍ୟଦେଶରେ ଧର୍ମ ନାଁରେ ଉତ୍ପୀଡନର ଶିକାର ହେଉଛନ୍ତି, ସେମାନଙ୍କ ମାନବାଧିକାରର ରକ୍ଷା ପାଇଁ ସିଏଏ ଆଇନ ଅଣାଯାଇଥିବା ଅମିତ ଶାହ ନିଜ ସମ୍ବୋଧନରେ କହିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁଙ୍କ ସହ ତପନ ଦାସ, ଇଟିଭି ଭାରତ
