ଭୁବନେଶ୍ବର: ଆତଙ୍କବାଦୀ ଭୟକୁ ଦୃଷ୍ଟିରେ ରଖି ଭୁବନେଶ୍ବର ବିଜୁ ପଟ୍ଟନାୟକ ବିମାନ ବନ୍ଦରରେ ଆରମ୍ଭ ହୋଇଛି ଆଣ୍ଟି ଏୟାରକ୍ରାଫ୍ଟ ହାଇଜାକ ମକଡ୍ରିଲ । ଏୟାର ଟ୍ରାଫିକ କଣ୍ଟ୍ରୋଲ, ସିଆଇଏସଏଫ, ଏସଓଜି, ସିଟିଏସ ମିଳିତ ଉଦ୍ୟମରେ ଏହି ମକ ଡ୍ରିଲର ଆୟୋଜନ କରାଯାଇଛି।
ଯଦି ବିମାନଟି ବିମାନ ବନ୍ଦରରେ ଅବତରଣ କରେ ବା ଫୁଏଲ ରିଫିଲିଂ କରିବା ପାଇଁ ଅବତରଣ କରେ, ତେବେ ସେ ସମୟରେ କିଭଳି ବିମାନକୁ ଅଟକାଇ ରଖି ବିମାନରେ ଥିବା ସନ୍ଦିଗ୍ଧକୁ ସାମ୍ନା କରାଯାଇପାରିବ। ଏହାସହ କାଉଣ୍ଟର ଆଟାକ ହୋଇପାରିବ ସେନେଇ ମକ ଡ୍ରିଲ କରାଯାଇଥିଲା।
ତେବେ ଏରୋଡ୍ରମ କମିଟିର ମୁଖ୍ୟ ରାଜ୍ୟ ଗୃହ ସଚିବଙ୍କ ତତ୍ତ୍ବାବଧାନରେ ଏୟାରପୋର୍ଟ ଡାଇରେକ୍ଟରଙ୍କ ଜରିଆରେ କୋର୍ଡିନେସନ କରାଯାଇଥିଲା। ମକଡ୍ରିଲ ସମୟରେ ଏଟିସିର ଜଏଣ୍ଟ ଡାଇରେକ୍ଟର,ଚାରିବାଟିଆ ଏୟାରଫୋର୍ସ ଅଧିକାରୀ, ପୋଲିସ କମିସନର, ଏସଓଜି, ଓଡିଶା ପୋଲିସର କାଉଣ୍ଟର ଟେରୋରିଷ୍ଟ ସ୍କ୍ବାଡ ସହ ସିଆଇଏସଏଫର କୁଇକ ରେସପ୍ନସ ଟିମ ମାଧ୍ୟମରେ ଅପରେସନ କରାଯାଇଥିଲା। ତେବେ ପ୍ରତିବର୍ଷ ଏପରି ମକଡ୍ରିଲର ଆୟୋଜନ କରାଯାଇଥାଏ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
