ଭୁବନେଶ୍ବର: ସ୍ମାର୍ଟସିଟିରୁ ଚାନ୍ଦୁଆ ସହରକୁ ଗଡିବ ମୋ ବସ। ଭୁବନେଶ୍ୱରରୁ ପିପିଲିକୁ ଚଳାଚଳ କରିବ ମୋ ବସ। ୩୩ନଂ ରୁଟରେ ଗଡ଼ିବ ମୋ ବସ। ସେପଟେ ବସ ଭଡ଼ା ୩୦ ଟଙ୍କା ରହିବା ନେଇ ମଧ୍ୟ ଭଡ଼ା ଧାର୍ଯ୍ୟ ହୋଇଛି ।
ସ୍ମାର୍ଟ ସହରରୁ ଚାନ୍ଦୁଆ ସହରକୁ ଗଡ଼ିବ ‘ମୋ ବସ’
ପରୀକ୍ଷଣ ଆଧାରରେ ୨୩ ତାରିଖରେ ମୋ ବସ ଗଡିବ । ବୁଧବାର ୨୪ ଜୁନ ଠାରୁ ସମ୍ପୂର୍ଣ୍ଣ ଭାବେ ଚଳାଚଳ କରିବ ମୋ ବସ । ସକାଳ ୭ ଟା ରୁ ୧୨ ଟା ମଧ୍ୟରେ ଏବଂ ଅପରାହ୍ନ ୩ ଟାରୁ ସନ୍ଧ୍ୟା ୭ ଟା ପର୍ଯ୍ୟନ୍ତ ୪୦ ମିନିଟ ବ୍ୟବଧାନ ମଧ୍ୟରେ ଗଡିବ ମୋ ବସ। ଏହି ରୁଟକୁ ସମୁଦାୟ ୪ଟି ବସ ଚଳାଚଳ କରିବ। ମୋଟ ୨୪ କିମି ଦୂରତା ମଧ୍ୟରେ ୩୩ ଟି ବସ ଷ୍ଟପରେ ରହିବ ଏହି ବସ। ପ୍ରତ୍ୟେକ ଯାତ୍ରୀ ମାସ୍କ ପିନ୍ଧିବା ବାଧ୍ୟତାମୂଳକ। କୌଣସି ଯାତ୍ରୀ ଛିଡା ହୋଇ ଯାଇପାରିବେ ନାହିଁ ବୋଲି କୃଟ ଜେନେରାଲ ମ୍ୟାନେଜର ଦୀପ୍ତି ମହାପାତ୍ର ସୂଚନା ଦେଇଛନ୍ତି।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
