ଭୁବନେଶ୍ବର: ରାଜଧାନୀରେ ଘଟିଛି ଚାଞ୍ଚଲ୍ୟକର ଘଟଣା । ନାବାଳିକାକୁ ହତ୍ୟା କରି ଝୁଲାଇ ଦେଇଛନ୍ତି ଦୁର୍ବୃତ୍ତ । ଏଭଳି ଲୋମହର୍ଷଣକାରୀ ଘଟଣା ଘଟିଛି ଖଣ୍ଡଗିରି ଥାନା ଡୁମୁଡୁମା ଫେଜ ୨ ଜଗନ୍ନାଥ ମନ୍ଦିର ନିକଟରେ । ଡୁମୁଡୁମା ଅଞ୍ଚଳରେ ଜଣେ ଦଶମ ଶ୍ରେଣୀ ଛାତ୍ରୀଙ୍କୁ କିଛି ଦୁର୍ବୃତ୍ତ ହତ୍ଯା କରିବା ପରେ ନାବାଳିକାର ହାତ ଗୋଡକୁ ବାନ୍ଧି ଘର ଅଗଣାରେ ଥିବା ପିଜୁଳି ଗଛରେ ଟାଙ୍ଗି ଦେଇଛନ୍ତି । ମୃତ ଛାତ୍ରୀଙ୍କ ନା ସସ୍ମିତା ଜେନା । ସେ ମମତାଜ ଅଲୀ ହାଇସ୍କୁଲର ଛାତ୍ରୀ ଥିଲେ ।
ପିଜୁଳି ଗଛ ପାଖରେ ନାବାଳିକାର କ୍ଲିପ ଏବଂ ଚପଲ ପଡିଥିବା ବେଳେ ଗାମୁଛାରେ ନାବାଳିକାର ହାତ, ଗୋଡ ବନ୍ଧାଯାଇଥିବା ସୂଚନା ମିଳିଛି । ତେବେ ଏନେଇ ନାବାଳିକାର ପରିବାର ପକ୍ଷରୁ ଖଣ୍ଡଗିରି ଥାନାରେ ଏତଲା ଦିଆଯିବା ପରେ ପୋଲିସ ପହଁଞ୍ଚି ମୃତଦେହକୁ ଉଦ୍ଧାର କରିବା ସହ ପୋଷ୍ଟମର୍ଟମ ପାଇଁ ପଠାଇଛି । ତେବେ ନାବାଳିକାକୁ ହତ୍ୟା କରାଯାଇଥିବା ପୋଲିସ ସନ୍ଦେହ କରୁଥିବା ବେଳେ ହତ୍ୟାକାରୀର ପର୍ଦ୍ଦାଫାସ ହୋଇନାହିଁ ।
ସେପଟେ ନାବାଳିକା ନିକଟସ୍ଥ ଏକ ସ୍ଥାନକୁ ଗୀତ ଶିଖିବାକୁ ଯାଉଥିବାବେଳେ ଏକ ଯୁବକ ସହ ରହିଥିବା ପ୍ରେମ ସମ୍ପର୍କକୁ ମଧ୍ୟ ସନ୍ଦେହ କରାଯାଉଛି । ଅନ୍ୟପଟେ ଅଗଣା ଭିତରେ ଏଭଳି ଘଟଣା ଘଟିବା ପୁଣି ନିଜ ବାପା ଗାମୁଛାରେ ଝିଅର ହାତ, ଗୋଡ଼ ବନ୍ଧା ହେବା ଘଟଣା ପରିବାର ଲୋକଙ୍କ ଅନର କିଲିଂ ହୋଇପାରେ ବୋଲି ପୋଲିସ ସନ୍ଦେହ କରୁଛି । ଏପଟେ ପୋଲିସ ଏହି ଘଟଣାରେ ଜଣେ ଯୁବକକୁ ସନ୍ଦେହଜନକ ଭାବେ ଅଟକ ରଖିବା ସହ ତଦନ୍ତ ପକ୍ରିୟା ଜାରି ରଖିଛି ।
ତେବେ ସେ ଗୀତ ଗାଉଥିଲେ ଏବଂ ଅନେକ ଷ୍ଟେଜ ସୋ ମଧ୍ଯ କରଥିଲେ । ଏପରିକି ଗିତ ଶିଖିବାକୁ ମଧ୍ଯ ଏକ ଅନୁଷ୍ଠାନକୁ ଯାଉଥିଲେ । ତେବେ ସେହିଠାରେ ଜଣେ ଯୁବକ ଯେକି ତାଙ୍କ ସହ ଗୀତ ଶିଖନ୍ତି, ଏହି ହତ୍ୟାକାଣ୍ଡ ନେଇ ତାଙ୍କ (ଯୁବକ) ଉପରେ ସଂଦେହ ହେଉଥିବା ତାଙ୍କ ବାପା ମଇନ ଜେନା ଅଭିଯୋଗ କରିଛନ୍ତି।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
