ଭୁବନେଶ୍ବର: ମାନବିକତାର ପରିଚୟ ଦେଲେ ଗଣଶିକ୍ଷା ମନ୍ତ୍ରୀ ସମୀର ଦାସ । ଦୁର୍ଘଟଣାର ଶିକାର ହୋଇଥିବା ବ୍ୟକ୍ତିଙ୍କୁ ସହାୟତାର ହାତ ବଢାଇଛନ୍ତି ମନ୍ତ୍ରୀ । ଗୁରୁତର ଅବସ୍ଥାରେ ରାସ୍ତାକଡରେ ପଡିଥିବା ଜଣେ ବ୍ୟକ୍ତିଙ୍କୁ ମନ୍ତ୍ରୀ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଛନ୍ତି ।
ସୂଚନା ଅନୁଯାୟୀ ଗଣଶିକ୍ଷା ମନ୍ତ୍ରୀ ସମୀର ଦାସ ଆଜି (ଶୁକ୍ରବାର) ପୁରୀ ନିମାପଡାରୁ ଭୁବନେଶ୍ବର ଫେରୁଥିଲେ । ଏହିସମୟରେ ପୁରୀ-ଭୁବନେଶ୍ୱର ରାସ୍ତା ସିଫା ନିକଟରେ ଜଣେ ବ୍ୟକ୍ତି ଦୁର୍ଘଟଣାର ଶିକାର ହୋଇ ଗୁରୁତର ଅବସ୍ଥାରେ ରାସ୍ତାକଡରେ ପଡି ରହିଥିଲେ ।
ଏହି ଦୃଶ୍ୟ ମନ୍ତ୍ରୀ ଦାସ ଦେଖିବା ପରେ କାଳ ବିଳମ୍ବ ନକରି ବ୍ୟକ୍ତିଜଣଙ୍କୁ ନିଜଗାଡିରେ ଆଣି କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଛନ୍ତି । ତେବେ ଦୁର୍ଘଟଣାର ଶିକାର ବ୍ୟକ୍ତିଙ୍କ ଘର ପିପିଲି, ତାଙ୍କ ନାମ ମୁନା ବୋଲି ଜଣାପଡିଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
