ଭୁବନେଶ୍ବର: ବୁଧବାର ପ୍ରଶ୍ନକାଳରେ ଖରିଫ ଋତୁ ଧାନ ସଂଗ୍ରହକୁ ନେଇ ବିଧାୟକ ମନ୍ତ୍ରୀ ମୁହାଁମୁହିଁ ହୋଇଛନ୍ତି । ଧାନ କିଣାରେ ବ୍ୟାପକ ଅବ୍ୟବସ୍ଥା ନେଇ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ରାଜ୍ୟ ସରକାର ଓ ଯୋଗାଣ ବିଭାଗ ଉପରେ ଜୋରଦାର ବର୍ଷିଛନ୍ତି ।
ଯୋଗାଣ ବିଭାଗ ଉପରେ ବର୍ଷିଲେ ସାଲୁଜା
ସେ ଅଭିଯୋଗ କରିଛନ୍ତି ସାରା ରାଜ୍ୟ ବିଶେଷ କରି ପଶ୍ଚିମ ଓଡିଶାରେ ଧାନ ବିକ୍ରିରେ ଚାଷୀ ଶୋଷଣର ଶୀକାର ହେଉଛନ୍ତି । ମିଲର ମାନେ ଚାଷୀଙ୍କୁ ଲୁଟୁଛନ୍ତି । କଟନୀଛଟ୍ନୀ ବ୍ୟାପକ ମାତ୍ରାରେ ହେଉଛି । ଟୋକନ ବ୍ୟବସ୍ଥା ଦ୍ବାରା ଚାଷୀ କ୍ଷତିଗ୍ରସ୍ତ ହେଉଛନ୍ତି । ଏ ସଂପର୍କରେ ସେ ଆଜି ଗୃହରେ ବାଚସ୍ପତିଙ୍କ ଠାରୁ ରୁଲିଂ ଦାବି କରିଥିଲେ । କିନ୍ତୁ ବାଚସ୍ପତି ଏହାକୁ ଅଗ୍ରାହ୍ୟ କରିଥିଲେ । ଯାହାକୁ ନେଇ ବିଧାୟକ ସନ୍ତୋଷ ସିଂ ସାଲୁଜା ଅସନ୍ତୋଷ ବ୍ୟକ୍ତ କରିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
