ଭୁବନେଶ୍ବର: କରୋନା ପାଇଁ ମାସ୍କ ହେଉଛି ସବୁଠାରୁ ବଡ଼ ଅସ୍ତ୍ର । ଏହି ଦ୍ୱିତୀୟ ଲହରିରେ ଲୋକମାନେ ଭଲ ଭାବରେ ମାସ୍କ ବ୍ୟବହାର କରିବାକୁ ପରାମର୍ଶ ଦିଆଯାଇଛି । ଡବଲ ମାସ୍କ ପିନ୍ଧିବା ନିହାତି ଆବଶ୍ୟକ, ଯେହେତୁ ଏହି ଦ୍ୱିତୀୟ ଲହରୀ ଦ୍ୱାରା ବାୟୁ ମାଧ୍ୟମରେ ଭୂତାଣୁ ସଂକ୍ରମିତ ହେଉଥିବା ବେଳେ ମାସ୍କ ଦ୍ୱାରା ଅଧିକାଂଶ ସମୟରେ ସଂକ୍ରମଣରୁ ରକ୍ଷା ମିଳିବ । ମାସ୍କକୁ ସଠିକ ଭାବରେ ପରିଧାନ କରିବାକୁ କୁହାଯାଇଛି ।
ଏପରିକି ସଠିକ ଭାବରେ ସବୁ ସ୍ଥାନରେ ସବୁ ସମୟରେ ମାସ୍କ ଆବଶ୍ୟକ ରହିଛି । ଯେପରି କି ଭ୍ରମଣ କରିବା, ବଜାରରେ ସଉଦା ସମୟରେ, କାମ କରିବା ସମୟରେ, ପୂଜା ଯାନିଯାତ୍ରା ସମୟରେ, ପରିଜନଙ୍କୁ ଭେଟିବା ସମୟରେ, ବସ ଟ୍ରେନରେ ଯାତ୍ରା କରିବା ସମୟରେ ମାସ୍କ ପିନ୍ଧିବା ଆବଶ୍ୟକ । ଅନେକ ଜନସାଧାରଣ ବଜାର ହାଟରେ ବୁଲିବା ସମୟରେ ମାସ୍କ ସଠିକ ଭାବରେ ପିନ୍ଧୁନଥିବା ଦେଖିବାକୁ ମିଳୁଛି । ଏନେଇ ରାଜ୍ୟ ସରକାର ପୋଲିସ ପ୍ରଶାସନ ଏନେଇ କଠୋର ହୋଇଛି । ମାସ୍କ ପିନ୍ଧିନଥିବା ବ୍ୟକ୍ତିଙ୍କୁ ପ୍ରଥମ ଥର ଦୁଇ ହଜାର ଟଙ୍କା ଫାଇନ କରିବା ସହ ଦ୍ୱିତୀୟ ଥର ନିୟମ ଉଲଘଂନ କଲେ ପାଞ୍ଚ ହଜାର ଟଙ୍କା ଫାଇନ ଦେବାକୁ ନିର୍ଦ୍ଦଶ ରହିଛି । ଅମାନିଆଙ୍କୁ ସାବାଡ଼ କରିବା ପାଇଁ ଏଭଳି ନିଷ୍ପତ୍ତି ନେଇଛନ୍ତି ରାଜ୍ୟ ସରକାର ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
