ଭୁବନେଶ୍ବର: ନାରୀ ଇଶ୍ୱରଙ୍କ କାନଭାସର ଏକ ଅନନ୍ୟ ସୃଷ୍ଟି । ନାରୀ ସୃଷ୍ଟିର ଆଧାର । ସେବା, ତ୍ୟାଗ ଓ ସମର୍ପଣର ପ୍ରତୀକ । ତେଣୁ ମହିଳାଙ୍କୁ ସମ୍ମାନ, ସମାନତା ଦେବା ସହ ଲିଙ୍ଗଗତ ବୈଷମ୍ୟ ଓ ରଙ୍ଗଭେଦ ଦୂରୀକରଣ କରି ସେମାନଙ୍କୁ ସାମାଜିକ, ସାଂସ୍କୃତିକ, ରାଜନୈତିକ କ୍ଷେତ୍ରରେ ପ୍ରାଧାନ୍ୟ ଦେବା ପ୍ରତିବର୍ଷ ଆଜିର ଦିନରେ ଅନ୍ତର୍ଜାତୀୟ ମହିଳା ଦିବସ ପାଳନ କରାଯାଏ । ଏହି ଅବସରରେ ଆଜି(ମଙ୍ଗଳବାର) ରମାଦେବୀ ମହିଳା ମହାବିଦ୍ୟାଳୟର ଛାତ୍ରୀଙ୍କୁ ନେଇ ଏବିଭିପି(ABVP) ପକ୍ଷରୁ ଗଣଦୌଡ଼ କାର୍ଯ୍ୟକ୍ରମ କରାଯାଇଛି ।
International Womens Day: ମହିଳା ଦିବସରେ ରାଜଧାନୀରେ ଗଣଦୌଡ
ABVPର ରାଜ୍ୟ ସଭାପତି ଗାର୍ଗୀ ବାନାର୍ଜୀ ଓ ଅଭିନେତ୍ରୀ ଶୀତଲ କାର୍ଯ୍ୟକ୍ରମରେ ଯୋଗଦେଇ ଗଣଦୌଡ଼କୁ ଉଦଘାଟନ କରିଛନ୍ତି । ନାରୀ ସ୍ୱାଧୀନ ଭାବେ ତାର ନିଷ୍ପତ୍ତି ନେଇପାରିବ ଆଉ ସ୍ୱାଧୀନ ଭାବେ ଚାଲିପାରିବାର ବାର୍ତ୍ତା ନେଇ ଦୌଡ ପ୍ରତିଯୋଗିତା ଅନୁଷ୍ଠିତ ହୋଇଛି । ଏହି ଅବସରରେ ବିଜୟୀ ଛାତ୍ରୀଙ୍କୁ ସମ୍ମାନିତ କରାଯାଇଛି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
