ଭୁବନେଶ୍ବର: ଦିନକୁ ଦିନ ପାରଦ ଖସିବା ସହ ରାଜଧାନୀ ତୋଷାଳୀ ମେଳାରେ ବଢୁଛି ଲୋକଙ୍କ ଗହଳି । ଓଡିଶା ସହ ଅନ୍ୟ ରାଜ୍ୟର ହସ୍ତତନ୍ତ ଓ ହସ୍ତକଳା ପ୍ରଦର୍ଶନ ଓ ବିକ୍ରି ହେଉଥିବାବେଳେ ରହିଥିବା 50ଟି ଖାଇବା ଷ୍ଟଲରେ ବେଶ ଜନ ଗହଳି ଦେଖିବାକୁ ମିଳୁଛି । ଆଉ ଏହି ସବୁ ଖାଇବା ଷ୍ଟଲ ଭିତରେ ବାରି ହୋଇ ଯାଉଛି ସରୋଜାଙ୍କ ରେଜାସ କିଚେନ।
ସରୋଜାଙ୍କ ମଣ୍ଡା ପିଠା ଷ୍ଟଲରେ ଜମୁଛି ଲୋକଙ୍କ ଭିଡ
କାରଣ ଏହି ଷ୍ଟଲରେ ଆମ ଲୁଚି ଯାଉଥିବା ଓଡ଼ିଆ ପିଠା ମଣ୍ଡାକୁ ଲୋକଲୋଚନକୁ ଆଣା ଯାଉଛି। ଏଥର ପିଜା କି ବର୍ଗର ନୁହେଁ, ବରଂ ସୁଆଦିଆ ମଣ୍ଡା ପିଠା ଖାଇବାକୁ ଲୋକ ବେଶ ଆଗ୍ରହ ପ୍ରକାଶ କରୁଛନ୍ତି । ଏହାସହ ସରେଜାଙ୍କ ସହ କେବଳ ମହିଳାମାନେ ହିଁ ଏହି ଷ୍ଟଲରେ ଲୋକଙ୍କୁ ବେଶ ଆଦର ସହ ଖାଦ୍ୟ ପରସୁଥିବାର ଦେଖିବାକୁ ମିଳୁଛି। ଦିନ ବଢିବା ସହ ତେଷାଳୀରେ ବେଶ ଭଲ ବେପାର ହେବ ବୋଲି ମଧ୍ୟ ଆଶା ବାନ୍ଧିଛନ୍ତି ଏମାନେ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
