ଭୁବନେଶ୍ବର : ୨୦୨୧ ବର୍ଷର ଶେଷ ଦିନରେ ରକ୍ତ ରଞ୍ଜିତ ହେଲା ରାଜଧାନୀ । ବୁଲିଲା ଖଣ୍ଡା ଗଡିଲା ମୁଣ୍ଡ। ଶାଳକର ଖଣ୍ଡା ଚୋଟରେ ଭିଣୋଇର ଗଲା ଜୀବନ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଗୁରୁବାର ବିଳମ୍ବିତ ରାତିରେ ମଞ୍ଚେଶ୍ୱର ଥାନା ଧିରକୁଟ ବସ୍ତିରେ ଘଟିଛି ହତ୍ୟାକାଣ୍ତ । ପାରିବାରିକ କଳହକୁ ନେଇ ଏଭଳି ବିଭତ୍ସ ହତ୍ୟାକାଣ୍ତ ଘଟିଥିବା ସନ୍ଦେହ କରାଯାଉଛି ।
ସୂଚନା ଅନୁସାରେ, ଅଭିଯୁକ୍ତ ପାପୁନି ନାୟକ ଓ ଭିଣୋଇ ସୁଶାନ୍ତଙ୍କ ମଧ୍ୟରେ କୈଣସି ଏକ ଘଟଣାକୁ ନେଇ ଉଭୟଙ୍କ ମଧ୍ୟରେ ତିକ୍ତତା ଆରମ୍ଭ ହୋଇଥିଲା । ପରେ ଏହା ଉଗ୍ର ରୂପ ନେଇଥିଲା । ପାପୁନି ଖଣ୍ଡାରେ ଭିଣୋଇ ସୁଶାନ୍ତଙ୍କୁ ଆକ୍ରମଣ କରିଥିଲେ । ଗୁରୁତର ଅବସ୍ଥାରେ ମେଡ଼ିକାଲରେ ସୁଶାନ୍ତଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏନେଇ ଫରେନସିକ ଟିମ ଘଟଣାସ୍ଥଳରେ ପହଞ୍ଚିଛି । ହତ୍ୟାକାଣ୍ତ ଘଟିଥିବା ସ୍ଥାନରେ ପ୍ରମାଣ ସଂଗ୍ରହ କରିଛି ଟିମ । ଏ ହତ୍ୟାକାଣ୍ଡକୁ ମିଶାଇ ରାଜଧାନୀରେ ଚଳିତ ବର୍ଷ ୩୩ଟି ହତ୍ୟାକାଣ୍ଡ ହୋଇଛି ।
ଭୁବନେଶ୍ବରରୁ ତାପସ ପରିଡା , ଇଟିଭି ଭାରତ
