ଭୁବନେଶ୍ୱର: ଓଡିଶା ଅଭିଭାବକ ମହାସଙ୍ଘର ଏକ ଅଭିଭାବକ ଅଧିବେଶନ ଅନୁଷ୍ଠିତ ହୋଇଛି । କୋରୋନା ଲକ ଡାଉନ ସମୟରେ ଅଭିଭାବକମାନେ ଅନେକ ଅଭିଜ୍ଞତା ପାଇଛନ୍ତି । ଏଥିପାଇଁ ଅଭିଭାବକଙ୍କୁ ନେଇ ଏକ ଅଧିବେଶନ କରାଯାଇଛି ।
ସେହିପରି ଅଭିଭାବକ ଅଧିବେଶନରେ ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ କହିଛନ୍ତି ଯେ, ପିଲାଙ୍କ ପାଠପଢା ପାଇଁ ଅଭିଭାବକଙ୍କ ବିରାଟ ଭୂମିକା ରହିଛି । ଶିକ୍ଷା ବ୍ୟବସ୍ଥାର ବଡ ଅଭିଭାବକ ହେଉଛି ଶିକ୍ଷା ବିଭାଗ । ମୋ ସ୍କୁଲ ଯୋଜନାରେ ରାଜ୍ୟପାଳ 58 କୋଟି 70 ଲକ୍ଷ ଟଙ୍କା ଆଲୁମୁନିକୁ ସ୍ଵେଚ୍ଛାକୃତ ଭାବରେ ଦେଇଥିବା କହିଛନ୍ତି । ଯେଉଁଥିରେ 17 ହଜାର 396 ଟି ସ୍କୁଲ ଯୋଡି ହୋଇଛି । ଏହି ଟଙ୍କାର ଡବଲ ଟଙ୍କା ସରକାର ଦେବେ ଯାହା ବଜେଟରେ ନାହିଁ ।
4.5 ଲକ୍ଷ ଏସସି ଓ ଏସଟି ପିଲାଙ୍କୁ ହଷ୍ଟେଲ ଓ ଶିକ୍ଷାନୁଷ୍ଠାନର ବ୍ୟବସ୍ଥା କରାଯାଇଛି । ଓଡିଶାରେ 214 ଓଡିଶା ଆଦର୍ଶ ବିଦ୍ୟାଳୟ ଖୋଲିଲାଣି । ସବୁ ବିଦ୍ୟାଳୟ ଅପେକ୍ଷା ଭଲ ରେଜଲ୍ଟ ହେଉଛି । ରାଜ୍ୟରେ 17035 ଟି ରେସିଡେଣ୍ଟାଲ ସ୍କୁଲ ଖୋଲାଯାଇଛି, ଆଦିବାସୀ ପିଲାଙ୍କ ପାଇଁ 7000 ହଷ୍ଟେଲ ହୋଇଛି । ସାଢେ 4 ଲକ୍ଷ ଏସଟି ଏସସି ପିଲା ରହୁଛନ୍ତି । ସେହିପରି 17 ଲକ୍ଷ ପିଲାଙ୍କ ପାଇଁ ମାଟ୍ରିକ ପରେ ସ୍କଲାରସିପ ଦିଆଯାଉଛି ବୋଲି ଉଚ୍ଚ ଶିକ୍ଷାମନ୍ତ୍ରୀ ଅରୁଣ ସାହୁ କହିଛନ୍ତି ।
ଭୁବନେଶ୍ୱରରୁ ବିକାଶ କୁମାର ଦାସ, ଇଟିଭି ଭାରତ
