ଭୁବନେଶ୍ବର: ଆସୁଛି ମହାଶିବରାତ୍ରି। ଚଳିତ ବର୍ଷ ଜାଗରରେ ଲିଙ୍ଗରାଜ ମହାପ୍ରଭୁଙ୍କ ମହାଦୀପ ରାତି ୧୦ ଟାରେ ଉଠିବ। ଖୋର୍ଦ୍ଧା ଜିଲ୍ଲାପାଳଙ୍କ ଅଧ୍ୟକ୍ଷତାରେ ମହାଶିବରାତ୍ରି ପାଇଁ ନବଗଠିତ ଅନ୍ତରୀଣ ନ୍ୟାସ ମଣ୍ଡଳୀର ପ୍ରଥମ ବୈଠକ ବୁଧବାର ଅନୁଷ୍ଠିତ ହୋଇଯାଇଛି। ବୈଠକରେ ନିଷ୍ପତ୍ତି ଅନୁଯାୟୀ ରାତି ୧୦ ଟାରେ ଲିଙ୍ଗରାଜଙ୍କ ମହାଦୀପ ଉଠିବାକୁ ନିଷ୍ପତି ହୋଇଛି।
ଲିଙ୍ଗରାଜଙ୍କ ମହାଦୀପ
ଶୃଙ୍ଖଳିତ ଦର୍ଶନ,ପାର୍କିଙ୍ଗ, ଆଇନଶୃଙ୍ଖଳା ବ୍ୟବସ୍ଥାକୁ ଗୁରୁତ୍ବ ଦିଆଯାଇ ସେ ସମ୍ପର୍କରେ ଆଲୋଚନା କରାଯାଇଛି। ତେବେ ଚଳିତ ଥର ମନ୍ଦିର ଭିତର ବେଢା ଓ ବାହାରେ ଦୀପ ଯାଳିବା ପାଇଁ ସ ସ୍ବତନ୍ତ୍ର ବ୍ୟବସ୍ଥା କରାଯାଉଛି।
ଭୁବନେଶ୍ବର ସର୍କିଟ ହାଉସରେ ଅନୁଷ୍ଠିତ ହୋଇଥିବା ଏହି ବୈଠକରେ ଖୋର୍ଦ୍ଧା ଜିଲ୍ଲାପାଳ ,ଭୁବନେଶ୍ବର ଅତିରିକ୍ତ ଜିଲ୍ଲାପାଳ, ପୋଲିସ ପ୍ରଶାସନର ବରିଷ୍ଠ ଅଧିକାରୀ,ବିଏମସି ଅତିରିକ୍ତ କମିଶନର ଓ ମନ୍ଦିର ସେବାୟତ ପ୍ରମୁଖ ଉପସ୍ଥିତ ଥିଲେ।
ଭୁବନେଶ୍ବରରୁ ସଞ୍ଜୀବ କୁମାର ରାୟ ଇଟିଇି ଭାରତ
