ଭୁବନେଶ୍ବର: ହାତୀ ଦାନ୍ତ ଓ କଲରାପତରିଆ ବାଘ ଛାଲ ଜବତ । ଏଥିରେ ସମ୍ପୃକ୍ତ 3 ବେପାରୀଙ୍କୁ ଗିରଫ କରିଛି ଏସଟିଏଫ । ଏକ ଗୁପ୍ତ ସୁତ୍ରରୁ ଖବର ପାଇ ଏସଟିଏଫର ଏକ ଟିମ କଳାହାଣ୍ଡିର ଭବାନୀପାଟଣାରୁ ଏମାନଙ୍କୁ ଧରିବାରେ ସଫଳ ହୋଇଛି । ଅଧିକ ପଚରାଉଚରା ପାଇଁ ସୋମନଙ୍କୁ ଏସଟିଏଫ ଭୁବନେଶ୍ବର ମୁଖ୍ୟ କାର୍ଯ୍ୟାଳୟକୁ ଅଣାଯାଇଛି ।
ସୂଚନା ଅନୁଯାୟୀ, ରାଜ୍ୟରେ ତଥା ରାଜ୍ୟ ବାହାରକୁ ବିଭିନ୍ନ ସମୟରେ ହାତୀ ଦାନ୍ତ ଓ ବାଘ ଛାଲ ଚୋରା ଚାଲାଣ କରାଯାଉଛି । ତେବେ ଚୋରା ଚାଲାଣରେ ସକ୍ରିୟ ଥିବା ରାକେଟକୁ ବିଭିନ୍ନ ସମୟରେ ଧରିବାରେ ସଫଳ ହୋଇଛି ଏସଟିଏଫ । ତେବେ କଳାହାଣ୍ଡିର ଭବାନୀପାଟଣାରେ ହେଉଥିବା ଏହି ଚୋରା ଚାଲାଣ ନେଇ ଖବର ପାଇବା ପରେ କ୍ରାଇମବ୍ରାଞ୍ଚ ଏସଟିଏଫର ଅତର୍କିତ ଚଢାଉ କରି 3 ଜଣଙ୍କୁ ଗିରଫ କରିଛି ।
ଏହି ଟିମର ଜଣେ କର୍ମଚାରୀ ଗ୍ରାହକ ସାଜି କିଣିବାକୁ ଯାଇ ବେପାରୀଙ୍କୁ ଧରିଥିଲେ । ଏ ନେଇ ଅଧିକ ଖୋଳତାଡ ଜାରି ରଖିଛି ଏସଟିଏଫ ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
