ଭୁବନେଶ୍ବର: ଅପରାଜିତାଙ୍କ ଉପରେ ଅଶୋକ ପଣ୍ଡାଙ୍କ ମନ୍ତବ୍ୟ ଓ ନିଖୋଜ ପୋଷ୍ଟରକୁ ନେଇ ପ୍ରତିକ୍ରିୟା ରଖିଲେ ବିଜେପି ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର । ଲେଖାଶ୍ରୀ କହିଛନ୍ତି ଯେ, ଏହା ଅତ୍ୟନ୍ତ ନିନ୍ଦନୀୟ । ସାଂସଦ ବଜେଟ ଅଧିବେଶନରେ ଭାଗ ନେଉଛନ୍ତି । ଲିଙ୍ଗରାଜ ସୁରକ୍ଷା କରିପାରିଲ ନାହିଁ କହି ଅନ୍ୟକୁ ଟିପ୍ପଣୀ ଦେଉଛନ୍ତି । ଏହା ଅଶୋଭନୀୟ ।
ବିଜେଡିର ଅନେକ ମହିଳା ସାଂସଦ ଭାଗ ନେଉନାହାଁନ୍ତି । ଏହାକୁ ନେଇ ରାଜନୀତି କରାଯାଉଛି ଓ ଜଣେ ମହିଳା ସାଂସଦଙ୍କୁ ଏଭଳି ଭାବରେ ଅପମାନିତ କରିବା ନିନ୍ଦନୀୟ ବୋଲି ଲେଖାଶ୍ରୀ କହିଛନ୍ତି । ମୋଦିଙ୍କ କାମରେ ଖୁସି ହୋଇ ଅପରାଜିତାଙ୍କୁ ଭୋଟ ଦେଇଛନ୍ତି । ଓଡ଼ିଶାର କଥା ଅପରାଜିତା ସଂସଦରେ ଉଠାଉଛନ୍ତି ବୋଲି ବିଜେପି ନେତ୍ରୀ କହିଛନ୍ତି ।
ସୂଚନାନୁଯାୟୀ, ବୁଧବାର ମନ୍ତ୍ରୀ ଅଶୋକ ପଣ୍ଡା ନିଜ ଟ୍ବିଟର ଆକାଉଣ୍ଟରେ ସାଂସଦ ଅପରାଜିତା ନିଖୋଜ ଥିବା ଟ୍ବିଟ କରିଥିଲେ । ଏପରିକି ଭୁବନେଶ୍ବରର ବିଭିନ୍ନ ସ୍ଥାନରେ ଅପରାଜିତା ନିଖୋଜ ଥିବା ପୋଷ୍ଟର ମରାଯାଇଥିବା ଦେଖିବାକୁ ମିଳିଥିଲା ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
