ଭୁବନେଶ୍ବର: ରାଜଧାନୀର ବୁଲୁଛି ସ୍ମାର୍ଟ ଚୋରଣୀ। ଚୋରି ପାଇ ଛୋଟ ଛୁଆକୁ କରୁଛି ବ୍ୟବହାର। ଏକ ମେଡିସିନ ଦୋକାନରେ ମେଡିସିନ କିଣିବା ଆଳରେ ମୋବାଇଲ ଚୋରି ବେଳେ ସିସିଟିଭିରେ କଏଦ ହୋଇଛି ଏପରି କାରନାମା । ଏନେଇ ବଡଗଡ ଥାନାରେ ହୋଇଛି ଅଭିଯୋଗ ।
ସୁଚନା ମୁତାବକ ଗତ 23 ତାରିଖରେ କଳ୍ପନାସ୍ଥିତ ରାଜେନ୍ଦ୍ର ମେଡିକାଲ ଷ୍ଟୋରରେ ଜଣେ ଛୋଟ ପିଲାକୁ ସାଙ୍ଗରେ ଧରି ପହଞ୍ଚିଥିଲେ ଜଣେ ମହିଳା। ମହିଳାଜଣଙ୍କ ଛୁଆ ପାଇଁ ଔଷଧ କିଣିବା ପାଇଁ ଦୋକାନିକୁ କହିଲେ । ଏନେଇ ଦୋକାନି ଔଷଧ ଆଣିବା ପାଇଁ ପଛପଟକୁ ମୁହଁ ବୁଲାଇଲା ବେଳେ ସଂପୃକ୍ତା ମହିଳା ଜଣଙ୍କ ସାଥିରେ ଥିବା ଛୋଟିଆ ପିଲାଟିକୁ ଇସାରା ଦେଇଥିଲେ। ପିଲାଟି ତୂରନ୍ତ ଦୋକାନର କାଉଣ୍ଟର ଭିତରକୁ ପଶି ମୋବାଇଲଟି ଚତୁରତାର ସହ ଆଣି ବାହାରକୁ ଆସିଥିଲେ ।
ଦୋକାନିଟି ମହିଳାକୁ ଔଷଧ ଦେଲାବେଳକୁ ସଂମ୍ପୃକ୍ତ ମହିଳା ପୁରା ସାଧାରଣ ଓ ଭଦ୍ର ଗରାଖ ଭାବରେ ଅଭିନୟ କରି କିଛି ନ ଜାଣିଲା ଭଳି ଔଷଧ ପାଇଁ ପେମେଣ୍ଟ କରି ଦୋକାନରୁ ଚାଲିଯାଇଥିଲେ । ପରେ ଦୋକାନି ଜଣକ ମୋବାଇଲ ଖୋଜି ନ ପାଇବା ପରେ ସିସିଟିଭି ଚେକ କରିଥିଲେ । ସିସିଟିଭିରୁ ମହିଳାଙ୍କ ଏପରି କାରନାମା ସମ୍ପର୍କରେ ଏପରି ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
