ଭୁବନେଶ୍ବର: ରେଳ ଷ୍ଟେସନରେ ପ୍ରାଧିକୃତ ବିକ୍ରେତାଙ୍କୁ ମିଳିଲା ପରିଚୟ ପତ୍ର । ଷ୍ଟେସନରେ ଖାଦ୍ୟ ସାମଗ୍ରୀ ବିକ୍ରୟ କରୁଥିବା ଅନଧିକୃତ ବିକ୍ରେତାମାନଙ୍କୁ ଚିହ୍ନଟ କରିବା ପାଇଁ ଖୋର୍ଦ୍ଧା ରୋଡ ରେଳମଣ୍ଡଳ ପକ୍ଷରୁ ଆରମ୍ଭ ହୋଇଛି ସ୍ବତନ୍ତ୍ର ବ୍ୟବସ୍ଥା ।
ସମସ୍ତ ପ୍ରାଧିକୃତ ବିକ୍ରେତାଙ୍କୁ QR କୋଡ୍ ସହିତ ପ୍ରଦାନ କରାଯାଇଛି ପରିଚୟ ପତ୍ର । ଏଥିରେ ଭେଣ୍ଡରର ସମସ୍ତ ସୂଚନା ଉପଲବ୍ଧ ରହିବ ।
QR କୋଡ ଆପ ଡାଉନଲୋଡ କରି ଟ୍ରେନ ଟିକେଟ ନିରୀକ୍ଷକମାନେ ବିକ୍ରେତାଙ୍କ ବୈଧତା ଏବଂ ସତ୍ୟତା ଯାଞ୍ଚ କରିପାରିବେ । ଏହା ଷ୍ଟେସନର ପ୍ଲାଟଫର୍ମରେ ଅନଧିକୃତ ଭେଣ୍ଡିଂ ଉପରେ ରୋକ ଲଗାଇବାରେ ସାହାଯ୍ୟ କରିବ । ଏହାସହିତ ପ୍ରାଧିକୃତ ବିକ୍ରେତାଙ୍କ ପକ୍ଷରୁ ଯାତ୍ରୀଙ୍କୁ ଦିଆଯାଉଥିବା ଗୁଣାତ୍ମକ ଖାଦ୍ୟ ସୁନିଶ୍ଚିତ କରିବ ଏହି ବ୍ୟବସ୍ଥା ।
ଭୁବନେଶ୍ବରରୁ ବିକାଶ କୁମାର ଦାଶ, ଇଟିଭି ଭାରତ
