ଭୁବନେଶ୍ବର: ଏବେବି ଆମ ସମାଜରେ ଝିଅଟିଏ ନିଜକୁ ସୁରକ୍ଷିତ ମଣୁନାହିଁ । ଘର ପରିବାର ଠାରୁ ଆରମ୍ଭ କରି ସମାଜର ବିଭିନ୍ନ ସ୍ତରରେ ନିର୍ଯାତନା, ଶୋଷଣ ଓ ପକ୍ଷପାତିତାର ଶିକାର ହେଉଛି । ଏଭଳି ମାନସିକତାରେ ପରିବର୍ତ୍ତନ ପାଇଁ ବ୍ୟାପକ ସଚେତନତାର ଆବଶ୍ୟକତା ରହିଛି । ରାଜଧାନୀରେ ଅନ୍ତର୍ଜାତୀୟ ବାଳିକା ଦିବସ ପାଳିନ ଅବସରରେ ଯୋଗ ଦେଇଥିବା ଅତିଥି ଉପରୋକ୍ତ ମନ୍ତବ୍ୟ ଦେଇଛନ୍ତି ।
ଆଜି ବି ଝିଅମାନଙ୍କୁ ଯେଭଳି ଶିକ୍ଷା, ସୁରକ୍ଷା ଓ ଆଦର ମିଳିବା କଥା ସେହି ପରିମାଣରେ ମିଳୁନାହିଁ। ପରିବାରରେ ଝିଅଟିଏ ଜନ୍ମ ହେଲେ ମନଦୁଃଖ କରୁଥିବାବେଳେ ପୁଅ ପାଇଁ ଖୁସି ହେଉଥିବା ଦେଖିବାକୁ ମିଳୁଛି । ବିଭିନ୍ନ କାରଣରୁ ସେମାନଙ୍କ ବାଲ୍ୟ ବିବାହ କରାଇ ଦିଆଯାଉଛି ବୋଲି ମତ ପ୍ରକାଶ ପାଇଛି ।
ଏଭଳି ମାନସିକତାରେ ପରିବର୍ତ୍ତନ ଆସିବା ନିହାତି ଦରକାର ବୋଲି ଶିଶୁ ଅଧିକାର ସୁରକ୍ଷା ଆୟୋଗର ଅଧ୍ୟକ୍ଷ ସନ୍ଧ୍ୟାବତୀ ପ୍ରଧାନ କହିଛନ୍ତି । ସେଥିପାଇଁ ବ୍ୟାପକ ସଚେତନତା କାର୍ଯ୍ୟକ୍ରମ କମିଶନ ପକ୍ଷରୁ ଗ୍ରହଣ କରାଯାଉଥିବା ସେ ସୂଚନା ଦେଇଛନ୍ତି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
