ଭୁବନେଶ୍ବର: ବାତ୍ୟା ୟସ ମାଡରେ ପ୍ରଭାବିତ ହେବାକୁ ଥିବା କିଛି ଜିଲ୍ଲାରେ ବ୍ୟାପକ କ୍ଷୟକ୍ଷତି ଆଶଙ୍କା କରିଛନ୍ତି ରାଜ୍ୟ ସରକାର । ବିଶେଷ କରି ବିଦ୍ୟୁତ ସେବା କ୍ଷେତ୍ରରେ ଅଧିକ କ୍ଷୟକ୍ଷତି ହୋଇପାରେ । ଯାହା ଫଳରେ ବିଦ୍ୟୁତ ସରବରାହ ବାଧାପ୍ରାପ୍ତ ହେବ । ଏହି କାର୍ଯ୍ୟକୁ ଯୁଦ୍ଧକାଳୀନ ଭିତ୍ତିରେ କରିବାକୁ ପ୍ରସ୍ତୁତ ସରକାର ।
ଏହି ପରିପ୍ରେକ୍ଷୀରେ ଶକ୍ତି ବିଭାଗରେ ଅତିରିକ୍ତ ନିଯୁକ୍ତି କରିଛନ୍ତି ସରକାର । ଶକ୍ତି ବିଭାଗକୁ ଅଧିକ ବଳବାନ କରାଇବା ଲାଗି ପଦକ୍ଷେପ ନେଇଛନ୍ତି ସରକାର । ତେଣୁ ମଙ୍ଗଳବାର ଶକ୍ତି ବିଭାଗରେ ଅତିରିକ୍ତ ପ୍ରଶାସନିକ ଅଧିକାରୀଙ୍କୁ ନିୟୋଜିତ କରିଛନ୍ତି ସରକାର । ଶିଳ୍ପ ନିର୍ଦ୍ଦେଶକ ମହମ୍ମଦ ସାଦ୍ଦିକ ଆଲାମଙ୍କୁ ଶକ୍ତି ବିଭାଗରେ ନିଯୁକ୍ତି ଦେଇଛନ୍ତି ସରକାର ।
ଆସନ୍ତା ଜୁନ ମାସ 10 ତାରିଖ ଯାଏଁ ତାଙ୍କୁ ଶକ୍ତି ବିଭାଗରେ ନିୟୋଜିତ କରିଛନ୍ତି ସରକାର । ତୁରନ୍ତ କାର୍ଯ୍ୟରେ ଯୋଗ ଦେବା ଲାଗି ତାଙ୍କୁ ନିର୍ଦ୍ଦେଶ ଦିଆଯାଇଛି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
