ଭୁବନେଶ୍ବର: କୋରୋନା ସଂକ୍ରମଣକୁ ନେଇ ସାଂଘାତିକ ତଥ୍ୟ । 2ୟ ଲହରରେ ଯୁବଗୋଷ୍ଠୀ ଅଧିକ ଆକ୍ରାନ୍ତ ହେଉଥିବା ନେଇ ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ସୂଚନା ଦେଇଛନ୍ତି । ତେଣୁ ନିୟମ ଉଲଙ୍ଘନ ନ କରି ମାସ୍କ ପିନ୍ଧିବାକୁ ଅପିଲ୍ କରିଛନ୍ତି ସେ ।
କରୋନାକୁ ନେଇ ସାଙ୍ଘାତିକ ତଥ୍ୟ, 2ୟ ଲହରରେ ଯୁବଗୋଷ୍ଠୀ ହେଉଛନ୍ତି ଅଧିକ ଆକ୍ରାନ୍ତ ରାଜ୍ୟରେ ବଢୁଛି ସଂକ୍ରମଣ । ଦ୍ୱିତୀୟ ସଂକ୍ରମଣରେ 18 ବର୍ଷରୁ କମ ବୟସର ପିଲା ମାନେବି କୋଭିଡରେ ଆକ୍ରାନ୍ତ ହେଉଛନ୍ତି । ଏଭଳି ସୂଚନା ଦେଇଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ । ମହାରାଷ୍ଟ୍ରରେ 8 ପ୍ରତିଶତ ଯୁବଗୋଷ୍ଠୀ କୋରୋନାରେ ସଂକ୍ରମଣ ହେଉଛନ୍ତି । ନୂଆ ତଥ୍ୟ ଅନୁସାରେ 18 ବର୍ଷରୁ କମ ଯୁବଗୋଷ୍ଠୀ ଓ ଶିଶୁ କୋରୋନା ସଂକ୍ରମଣର ଶିକାର ହେଉଛନ୍ତି । ତେବେ ପ୍ରଥମ ଲହର ଧିରେ ଧିରେ ସଂକ୍ରମିତ ହେଉ ଥିବାବେଳେ ଦ୍ୱିତୀୟ ଲହରରେ ଖୁବଶୀଘ୍ର ବ୍ୟାପୁଥିବା ଜଣାପଡିଛି । ତେଣୁ ସମସ୍ତେ କୋରୋନା ପ୍ରୋଟକଲ ମାନନ୍ତୁ । ଲୋକ ସଚେତନ ନହେଲେ ଆଗକୁ ସଂକ୍ରମଣ ବଢିବ ବୋଲି ବିଜୟ ପାଣିଗ୍ରାହୀ କହିଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
