ଭୁବନେଶ୍ବର: ଦୀର୍ଘ ୬ ମାସ ପରେ ମୁକୁଳିଲେ IFS ଅଭୟ ପାଠକ। ଆୟବର୍ହିଭୂତ ସମ୍ପତ୍ତି ଠୁଳ ଓ ସ୍କାଏ କିଙ୍ଗ ଠକେଇ ମାମଲାରେ ଜେଲରେ ଥିଲେ ପାଠକ। ୪ଟି କେସରୁ ଜାମିନ ମିଳିବା ପରେ ଗୁରୁବାର ଝାରପଡା ଜେଲରୁ ସେ ମୁକୁଳିଛନ୍ତି।
ମୁକୁଳିଲେ IFS ଅଭୟ ପାଠକ
ଗତ ବର୍ଷ ନଭେମ୍ବର ୨୭ରେ ଅଭୟଙ୍କୁ ଗିରଫ କରିଥିଲା ଭିଜିଲାନ୍ସ। ପରେ ଗୋଟିଏ ପରେ ଗୋଟିଏ ମାମଲାରେ ଛନ୍ଦି ହୋଇପଡିଥିଲେ ସେ। ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଲିଙ୍କ ମଧ୍ୟ ସାମ୍ନାକୁ ଆସିଥିଲା।
ତେବେ ଜେଲରୁ ମୁକୁଳିବା ବେଳେ ସାଥିରେ ତାଙ୍କ ଭାଇ ଆସିଥିବାରୁ ପ୍ରଥମେ ଜେଲରୁ ବାହାରୀ ସେ ନିଜ ବଡ଼ ଭାଇଙ୍କୁ ମୁଣ୍ଡିଆ ମାରିଥିଲେ। ଗଣମାଧ୍ୟମକୁ ନମସ୍କାର ଜଣାଇଥିଲେ। ପରେ କୋର୍ଟରେ ମାମଲା ଥିବାରୁ ଏନେଇ କିଛି କହିବେ ନାହିଁ ବୋଲି କହିଥିଲେ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
