ଭୁବନେଶ୍ବର: ଗଣମାଧ୍ୟମ ବାଇଟ୍ ନେଲେ କଣ ଶୀଘ୍ର ଟେଲିକାଷ୍ଟ କରୁଛନ୍ତି କି । ତାକୁ ଏଡିଟ୍ କରୁଛନ୍ତି ପରେ ଖବର ବଜାଉଛନ୍ତି । ତେଣୁ ଆମେ ରିପୋର୍ଟ ସଂଗ୍ରହ ପରେ କାର୍ଯ୍ୟାନୁଷ୍ଠାନ ନେବୁ । ବୁର୍ଲା ମେଡିକାଲ ଡାକ୍ତରଙ୍କ ଭିଡିଓ ଭାଇରାଲ ଘଟଣାର କାର୍ଯ୍ୟାନୁଷ୍ଠାନରେ ବିଳମ୍ବ ନେଇ ହୋଇଥିବା ପ୍ରଶ୍ନର ଉତ୍ତର ଦେଇ ସ୍ବାସ୍ଥ୍ୟ ମନ୍ତ୍ରୀ ନବ ଦାସ ଏପରି ଅଜବ ଯୁକ୍ତି ବାଢିଛନ୍ତି ।
ତେବେ ଆରଡିସି ଓ ଜିଲ୍ଲାପାଳଙ୍କ ରିପୋର୍ଟ ଆସିବା ପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ ଦର୍ଶାଇଛନ୍ତି । ଏହାସହ ଡାକ୍ତର ଆନ୍ଦୋଳନକୁ ଡରୁଛନ୍ତି କି ପ୍ରଶ୍ନରେ ସ୍ବାସ୍ଥ୍ୟ ମନ୍ତ୍ରୀ କହିଛନ୍ତି,‘ସରକାର କାହାକୁ ଡରନ୍ତି ନାହିଁ, କାର୍ଯ୍ୟାନୁଷ୍ଠାନ ନିଆଯିବ । ତଦନ୍ତ ରିପୋର୍ଟକୁ ଅପେକ୍ଷା । ଖୁବଶୀଘ୍ର ରିପୋର୍ଟ ଆସିବ ଓ କାର୍ଯ୍ୟାନୁଷ୍ଠାନ ନିଆଯିବ ।’
ସୂଚନା ଅନୁସାରେ, ସମ୍ବଲପୁର ଜିଲ୍ଲା ବୁର୍ଲା ଭିମ୍ସାରରେ ଡାକ୍ତରମାନେ ଜଣେ ରୋଗୀଙ୍କ ସମ୍ପର୍କୀୟଙ୍କୁ ମାଡ ମାରିଥିବାର ଭିଡିଓ ଭାଇରାଲ ହୋଇଥିଲା ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
