ଭୁବନେଶ୍ବର: ରାଜ୍ୟରେ ସଂକ୍ରମଣ ସ୍ଥିତିରେ ସାମାନ୍ୟ ସୁଧାର ଆସିଛି । ଦୈନିକ ସଂକ୍ରମଣ ୫ ହଜାର ତଳେ ରହିଛି । ମୃତ୍ୟୁ ସଂଖ୍ୟା ବଢିବାରେ ଲାଗିଛି । ଧୀରେ ଧୀରେ ସଂକ୍ରମଣ କମୁଛି। ରାଜ୍ୟରେ କୋରୋନା ସ୍ଥିତିରେ ସୁଧାର ଆସୁଛି ବୋଲି କହିଛନ୍ତି ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ।
ଆର ଭାଲ୍ୟୁ, ପଜିଟିଭିଟି ରେଟକୁ ତୁଳନା କଲେ ଆମ ରାଜ୍ୟରେ ସ୍ଥିତି ଭଲ ଅଛି । ପିକ୍ ସମୟରେ ହସ୍ପିଟାଲରେ ଆଡମିସନ ରେଟ ଅଧିକ ଥାଏ। ପରିସଂଖ୍ୟାନ ଦେଖିଲେ ଆକ୍ରାନ୍ତଙ୍କ ମଧ୍ୟରୁ ଅନେକ ଆଇସିୟୁ, ଭେଣ୍ଟିଲେଟରରେ ଅଛନ୍ତି । ଆଇସିୟୁ, ଭେଣ୍ଟିଲେଟରେ ଅଧିକ ମୋଟାଲିଟି କେସ ରହିଥାଏ। ଭେଣ୍ଟିଲେଟରରେ ଥିବା ରୋଗୀଙ୍କ ମଧ୍ୟରୁ ୫୫ରୁ ୬୦ ପ୍ରତିଶତ, ଆଇସିୟୁରେ ଥିବା ୩୦ ପ୍ରତିଶତ ରୋଗୀଙ୍କ ମୄତ୍ୟୁ ହୋଇଥାଏ ।
ମୃତ୍ୟୁ ଅଡିଟ ରିପୋର୍ଟ ଆସିବା ପରେ ଏହି ରିପୋର୍ଟ ପ୍ରକାଶିତ ହେଉଛି । ଟ୍ରେଣ୍ଡ ଖସୁଛି । ଯେତିକି ଡେଥ ହୋଇଛି ତାର ଆନାଲିସିସ ନକଲେ କେଉଁ ଭ୍ୟାରିଏଣ୍ଟ ଯୋଗୁଁ ମୄତ୍ୟୁ ହୋଇଛି କହିହେବ ନାହିଁ। ଏ ସ୍ଥିତିରେ ସୁଧାର ଆସିବାକୁ ସମୟ ଲାଗିବ ବୋଲି କହିଛନ୍ତି ସ୍ବାସ୍ଥ୍ୟ ନିର୍ଦ୍ଦେଶକ ।
ସେ ଆହୁରି କହିଛନ୍ତି ଓମିକ୍ରନର ଉପ ପ୍ରଜାତି ନେଇ ଆତିଙ୍କିତ ହେବା ଆବଶ୍ୟକ ନାହିଁ । ସଚେତନ ରହିଲେ ଏହା ପ୍ରତିହତ କରିହେବ । ଦାୟିତ୍ବ ସହକାରେ ରହିଲେ ଏହି ହ୍ରାସ ଟ୍ରେଣ୍ଡ ଜାରି ରହିବ । ଆଜି ରାଜ୍ୟରେ ୩୪୫୦ ପଜିଟିଭି ମାମଲା ଚିହ୍ନଟ ହୋଇଥିବା ବେଳେ ୧୯ ଜଣଙ୍କ ଜୀବନ ନେଇଛି ମହାମାରୀ ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
