ଭୁବନେଶ୍ବର: ମୌସୁମୀ ଅଧିବେଶନରେ ଗୃହରେ ଉଠିଲା ଉତ୍ତରପ୍ରଦେଶ ହାଥରସ ଗଣଦୁଷ୍କର୍ମ ପ୍ରସଙ୍ଗ। ଏଆଇସିସିର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀଙ୍କୁ ମାଡ ମରାଯିବା ଏବଂ ଗିରଫ କରାଯାଇଥିବା ଦର୍ଶାଇ ବିଧାନସଭାରେ କଂଗ୍ରେସ ବିଧାୟକଙ୍କ ହୋହଲ୍ଲା ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବିରୋଧରେ ଗୃହରେ ସ୍ଲୋଗାନ ଦେଲେ କଂଗ୍ରେସ ବିଧାୟକ । ଯୋଗୀ-ମୋଦି ହାଏ ହାଏ । ଗଣତନ୍ତ୍ର ହତ୍ୟାକାରୀ ହାଏ ହାଏ । ରାହୁଲ ଗାନ୍ଧୀ ଜିନ୍ଦାବାଦ, ସୋନିଆ ଗାନ୍ଧୀ ଜିନ୍ଦାବାଦ କହି ବାଚସ୍ପତି ପୋଡିୟମ ଆଗରେ ନାରାବାଜି କଲେ କଂଗ୍ରେସ ବିଧାୟକ । ଫଳରେ ପ୍ରଥମେ 15 ମିନିଟ୍ ଓ ପରେ 10 ମିନିଟ୍ ଯାଏ ଗୃହ ମୁଲତବୀ ହୋଇଥିବା ପରେ ଶେଷରେ ଗୃହକୁ ଅପରାହ୍ନ 3ଟା ଯାଏ ବାଚସ୍ପତି ମୁଲତବୀ ଘୋଷଣା କରିଛନ୍ତି ।
ସୂଚନାଥାଉକି, ଉତ୍ତରପ୍ରଦେଶର ହାଥରସ ଗଣଦୁଷ୍କର୍ମ ପୀଡିତାଙ୍କ ପରିବାରକୁ ଭେଟିବାକୁ ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ ଯାଉଥିବା ସମୟରେ ତାଙ୍କୁ ଗିରଫ କରାଯାଇଥିଲା ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
