ଭୁବନେଶ୍ବର: ମହାପ୍ରଭୁ ଜଗନ୍ନାଥଙ୍କ ଅପାର କରୁଣାରୁ ବହୁ ବାଦ ବିବାଦ ପରେ କଟକଣା ମଧ୍ୟରେ ଅନୁଷ୍ଠିତ ହୋଇଥିଲା ଶ୍ରୀଗୁଣ୍ଡିଚା ଯାତ୍ରା । ସେହିପରି ଆସନ୍ତା ଜୁଲାଇ 1ରେ ବାହୁଡା ଯାତ୍ରା ଅନୁଷ୍ଠିତ ହେବାକୁ ଯାଉଛି । ଆଉ ଏହି ସମୟରେ ନିୟୋଜିତ ସେବାୟତମାନେ କୋରୋନା କଟକଣା ମାନି ନୀତିକାନ୍ତି ସମ୍ପନ୍ନ କରିବେ । ତେବେ ସେବାୟତଙ୍କୁ ସୁରକ୍ଷିତ ରଖିବା ପାଇଁ ପ୍ରଶାସନ ପକ୍ଷରୁ ଏମାନଙ୍କୁ ଯୋଗାଇ ଦିଆଯିବ ସ୍ବତନ୍ତ୍ର ମାସ୍କ । ଏନେଇ ଭୁବନେଶ୍ବର ଆଇଟିଆଇରେ ଏହି ମାସ୍କ ତିଆରି କାର୍ଯ୍ୟ ଜାରି ରହିଛି ।
ସରକାରୀ ଆଇଟିଆଇରେ ପ୍ରସ୍ତୁତ ହେଉଛି ମାସ୍କ, ବାହୁଡାରେ ପିନ୍ଧିବେ ସେବାୟତ
ପୁରୀ ଜିଲ୍ଲା ପ୍ରଶାସନ ପକ୍ଷରୁ ପାଖାପାଖି 1500 ମାସ୍କ ତିଆରି କରିବାକୁ ଅର୍ଡର ମିଳିଥିବା କହିଛନ୍ତି ଆଇଟିଆଇ ଅଧ୍ୟକ୍ଷା ଜିତମିତ୍ରା ଶତପଥୀ । ଏହାକୁ ଉଚିତ ସମୟ ମଧ୍ୟରେ ଡେଲିଭରି ଦେବା ପାଇଁ ଟ୍ରେନି ଛାତ୍ରଛାତ୍ରୀମାନେ କାର୍ଯ୍ୟରେ ଜୋରସୋରରେ ଲାଗି ପଡିଥିବା ଦେଖିବାକୁ ମିଳିଛି ।
ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
