ଭୁବନେଶ୍ବର: କୋରୋନା ଭାଇରସ ନେଇ ରବିବାର ରାଜ୍ୟବାସୀଙ୍କ ପୁଣି ଏକ ବଡ଼ ଆଶ୍ବସ୍ତିକର ଖବର ରହିଛି । ରାଜ୍ୟର 26ଟି ଜିଲ୍ଲାରୁ ଆଜି 864 ଜଣ କୋରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ବିଟ ଜରିଆରେ ଏହି ସୂଚନା ଦିଆଯାଇଛି ।
ରାଜ୍ୟରେ କୋରୋନା କାୟା ବିସ୍ତାର କରିଚାଲିଥିବା ବେଳେ ରବିବାର ପୁଣି ଏକ ବଡ ଖୁସି ଖବର ଆସିଛି । ରାଜ୍ୟରେ 26 ଟି ଜିଲ୍ଲାରେ 864 ଜଣ ସୁସ୍ଥ ହୋଇଛନ୍ତି। ଗଞ୍ଜାମରେ ସର୍ବାଧିକ 432ଜଣ ସୁସ୍ଥ ହୋଇଛନ୍ତି ।
ସେହିପରି ରାୟଗଡାରେ 137, ବରଗଡରେ 31, ଖୋର୍ଦ୍ଧାରେ 28, କଟକ କେନ୍ଦୁଝରରେ 26, ଭଦ୍ରକରେ 23, ମୟୁରଭଞ୍ଜରେ 22, ଯାଜପୁରରେ 19, କନ୍ଧମାଳରେ 15 ସୁସ୍ଥ ହୋଇଛନ୍ତି । ସେହିପରି ଗଜପତି ଓ ସମ୍ବଲପୁରରେ 14 ଜଣ ସୁସ୍ଥ, ଜଗତସିଂହପୁରରେ 12 ସୁସ୍ଥ ହୋଇଛନ୍ତି ।
ଏତଦ୍ବ୍ୟତୀତ ଢେଙ୍କାନାଳ ଓ ସୁନ୍ଦରଗଡରେ 10 ସୁସ୍ଥ ହୋଇଥିବା ବେଳେ ନୟାଗଡରେ 7, ବାଲେଶ୍ୱର କେନ୍ଦ୍ରାପଡା ମାଲକାନଗିରିରେ 6 ସୁସ୍ଥ, ସେହିପରି ଝାରସୁଗୁଡା ଓ କୋରାପୁଟରେ 5 ଜଣ, ବଲାଙ୍ଗୀରରେ 4, ପୁରୀରେ 3, ବୌଦ୍ଧ 2 ସୁସ୍ଥ ହୋଇଥିବା ବେଳେ ସୋନପୁରରେ ଜଣେ ସୁସ୍ଥ ହୋଇଛନ୍ତି। ବର୍ତ୍ତମାନ ରାଜ୍ୟରେ ମୋଟ ଆରୋଗ୍ୟ ସଂଖ୍ୟା 16792 ରହିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
