ଭୁବନେଶ୍ବର: ବିଜୁ ପଟ୍ଟନାୟକ ବିମାନବନ୍ଦରରୁ ପୁଣି ସୁନା ଜବତ । ଜବତ ସୁନାର ପରିମାଣ ୧ କିଲୋ ୩ଶହ ୧୦ ଗ୍ରାମ ହୋଇଥିବା ବେଳେ ଏହାର ଆନୁମାନିକ ମୂଲ୍ୟ ୫୨ ଲକ୍ଷ ଟଙ୍କା ବୋଲି ଜଣାପଡିଛି । ଏହି ଘଟଣାରେ ଜଣେ କେରଳୀ ଯୁବକଙ୍କୁ ଅଟକ ରଖି ପଚରାଉଚରା କରାଯାଉଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
କେରଳ ଯୁବକ ଜଣଙ୍କ ଏୟାର ଏସିଆ ଫ୍ଲାଇଟ ନଂ ଏକେ ୩୧ରେ କ୍ବାଲାଲମପୁରରୁ ଭୁବନେଶ୍ବର ଆସୁଥିଲେ । ଭୁବନେଶ୍ବର ବିମାନ ବନ୍ଦରରେ କଷ୍ଟମ ଯାଞ୍ଚ ସମୟରେ ତାଙ୍କ ପାଖରୁ ସୁନା ଜବତ କରାଯାଇଛି । ଯାତ୍ରୀ ଜଣଙ୍କ ୧୩ ତାରିଖ ରାତି ୯ଟା ୪୫ ସମୟରେ ଭୁବନେଶ୍ବର ବିମାନବନ୍ଦରରେ ପହଞ୍ଚିଥିଲେ । ତେବେ ସେ କେଉଁଠୁ ସୁନା ଆଣି କେଉଁଠିକୁ ନେଉଥିଲେ, ତାହାକୁ ନେଇ ତଦନ୍ତ ଜାରି ରହିଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
