କଟକ: ଏନକାଉଣ୍ଟରରେ ଗ୍ୟାଙ୍ଗଷ୍ଟାର ହାଇଦର ମୃତ୍ୟୁ ଘଟିଛି । ବାଲେଶ୍ବର ଜିଲ୍ଲା ସିମୁଳିଆ ଅଞ୍ଚଳରେ ଏନକାଉଣ୍ଟର ହେବା ପରେ ତାକୁ ଚିକିତ୍ସା କରାଯାଉଥିଲା । କିନ୍ତୁ ଚିକିତ୍ସାଧିନ ଅବସ୍ଥାରେ ହାଇଦରର ମୃତ୍ୟୁ ହୋଇଥିବା ସୂଚନା ମିଳିଛି ।
ପୋଲିସ ନିକଟରୁ ଖସିଯିବା ପାଇଁ ଉଦ୍ୟମ କରୁଥିବା ବେଳେ ଏନକାଉଣ୍ଟର କରିଥିଲା ପୋଲିସ । ସମ୍ବଲପୁର ଜେଲକୁ ଯିବା ବାଟରେ ହାଇଦରକୁ ପୋଲିସ ଏନକାଉଣ୍ଟର କରିଥିଲା । ଚୌଦ୍ବାର ଜେଲରୁ ବାରିପଦା ଜେଲ ଯିବା ବାଟରେ ହୋଇଥିଲା ଏନକାଉଣ୍ଟର । ହାଇଦର ଗୁରୁତର ଭାବେ ଆହତ ହୋଇଥିଲା । ତା' ପେଟରେ ଗୁଳି ବାଜିଥିଲା ।
ଗତ କିଛି ଦିନ ତଳେ ହାଇଦର ଏସିବି ମେଡିକାଲରୁ ଖସି ପଳାଇଥିଲା । ପରେ ହାଇଦ୍ରାବାଦରୁ ଗିରଫ ହୋଇଥିଲା କୁଖ୍ୟାତ ଅପରାଧୀ ହାଇଦର । ଏପଟେ ଏନାକଉଣ୍ଟର ପରେ ପ୍ରେସମିଟରେ କଟକ ଡିସିପି ପ୍ରତୀକ ସିଂଙ୍କ ସୂଚନା ଅନୁସାରେ ଆଜି ହାଇଦରକୁ ଚୌଦ୍ବାର ଜେଲରୁ ବାରିପଦା ଜେଲ ନିଆଯାଉଥିବା ବେଳେ ସିମୁଳିଆ ନିକଟରେ ପରିଶ୍ରା ଯିବାକୁ ହାଇଦର ଏସକର୍ଟ ଟିମକୁ କହିଥିଲା । ଏହାର ସୁଯୋଗ ନେଇ ଖସିଯିବାକୁ ଉଦ୍ୟମ କରିଥିଲା ।
ତେବେ ଗୁରୁତ୍ବପୂର୍ଣ୍ଣ କଥା ହେଉଛି ହାଇଦର ପୋଲିସ ନିକଟରୁ ବନ୍ଧୁକ ଛଡାଇବାକୁ ଉଦ୍ୟମ କରିଥିଲା । ପରେ ପୋଲିସ ସହ ଧସ୍ତାଧସ୍ତି ହୋଇଥିଲା । ପୋଲିସ ଆତ୍ମରକ୍ଷା ପାଇଁ ହାଇଦରକୁ ଏନକାଉଣ୍ଟର କରିଥିଲା । ତେବେ ଏନକାଉଣ୍ଟରରେ କେତେ ରାଉଣ୍ଡ ଗୁଳି ପୋଲିସ ଚଳାଇଛି, ହାଇଦରର କେଉଁ ଅଙ୍ଗରେ ଗୁଳି ବାଜିଛି ତାହା ସ୍ପଷ୍ଟ ହୋଇନାହିଁ । ଏହି ସବୁ ଘଟଣା ଆଜି ୩.୨୦ ମିନିଟରେ ବାଲେଶ୍ବର ଜିଲ୍ଲା ସିମୁଳିଆ ଅଞ୍ଚଳରେ ଘଟିଛି । ସେହି ଠାରୁ ହାଇଦରକୁ କାବୁ କରି ପୋଲିସ ଚିକିତ୍ସା ପାଇଁ ବାଲେଶ୍ବର ଜିଲ୍ଲା ମୁଖ୍ୟାଳୟରେ ଭର୍ତ୍ତି କରିଛି ।
କଟକରୁ ପ୍ରଭୁକଲ୍ୟାଣ ପାଲ ଓ ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
